പുരുഷന്മാരുടെ ‘ജി-സ്പോട്ട്’ എവിടെയാണ്? തീവ്രമായ ലൈം#ഗിക ആനന്ദം നൽകുന്ന ആ പ്രത്യേക ഇടം ;കാലങ്ങളായുള്ള ചോദ്യത്തിന് ഉത്തരവുമായി ശാസ്ത്രലോകം

ലൈംഗികതയുമായി ബന്ധപ്പെട്ട് കാലങ്ങളായി ശാസ്ത്രലോകത്തും സാധാരണക്കാർക്കിടയിലും സജീവമായി ചർച്ച ചെയ്യപ്പെടുന്ന ഒരു വിഷയമാണ് ‘ജി-സ്പോട്ട്’ . സ്ത്രീകളുടെ ശരീരത്തിലെ ജി-സ്പോട്ടിനെക്കുറിച്ച് നിരവധി പഠനങ്ങളും ചർച്ചകളും നടന്നിട്ടുണ്ടെങ്കിലും, പുരുഷന്മാരുടെ ശരീരത്തിലെ ഏറ്റവും തീവ്രമായ ലൈം#ഗിക ആനന്ദം നൽകുന്ന ആ പ്രത്യേക ഇടം എവിടെയാണെന്നത് വലിയൊരു ചോദ്യചിഹ്നമായിരുന്നു. പലരും കരുതിയിരുന്നത് അത് പ്രോസ്റ്റേറ്റ് (prostate) ഗ്രന്ഥിയുമായി ബന്ധപ്പെട്ടാണെന്നോ അല്ലെങ്കിൽ പിൻഭാഗത്താണെന്നോ ഒക്കെയാണ്. എന്നാൽ പതിറ്റാണ്ടുകളായി നിലനിന്നിരുന്ന ഈ ധാരണകളെല്ലാം തിരുത്തിക്കുറിക്കുകയാണ് സ്പെയിനിൽ നിന്നുള്ള ഒരു കൂട്ടം ഗവേഷകർ. പുരുഷന്മാരുടെ ജി-സ്പോട്ട് കൃത്യമായി എവിടെയാണെന്ന് അവർ കണ്ടെത്തിയിരിക്കുന്നു!

എവിടെയാണ് ഈ ‘രഹസ്യ കേന്ദ്രം’?

പ്രശസ്ത മെഡിക്കൽ ജേർണലായ ‘ആൻഡ്രോളജി’യിലാണ് (Andrology) ഈ നിർണ്ണായക പഠനവിവരങ്ങൾ പ്രസിദ്ധീകരിച്ചിരിക്കുന്നത്. സ്പെയിനിലെ സാന്റിയാഗോ ഡി കമ്പോസ്റ്റേല സർവകലാശാലയിലെ (University of Santiago de Compostela) ശാസ്ത്രജ്ഞരാണ് ഈ ചരിത്രപരമായ കണ്ടെത്തലിന് പിന്നിൽ. അതിതീവ്രമായ ലൈംഗിക ഉത്തേജനത്തിന്റെ കേന്ദ്രമായി അവർ ചൂണ്ടിക്കാണിക്കുന്നത് ‘ഫ്രെനുലാർ ഡെൽറ്റ’ (Frenular delta) എന്നറിയപ്പെടുന്ന ഒരു ചെറിയ പ്രദേശത്തെയാണ്.

പുരുഷലിം#ഗത്തിന്റെ അടിഭാഗത്ത്, മകുടവും (head) തണ്ടും (shaft) കൂടിച്ചേരുന്ന ഭാഗത്തുള്ള ത്രികോണാകൃതിയിലുള്ള ഒരു പ്രദേശമാണിത്. ഇത്രയും കാലം വൈദ്യശാസ്ത്രവും ലൈം#ഗിക ആരോഗ്യത്തെക്കുറിച്ചുള്ള പാഠപുസ്തകങ്ങളും വേണ്ടത്ര പ്രാധാന്യം നൽകാതെ അവഗണിച്ചിരുന്ന, തികച്ചും നിഗൂഢമായ ഒരു ഇടമായിരുന്നു ഇത്. ഈ പ്രദേശത്ത് സ്പർശിക്കുമ്പോഴുണ്ടാകുന്ന ഉത്തേജനമാണ് പുരുഷന്മാരിൽ ഏറ്റവും വലിയ ലൈം#ഗികാനന്ദം നൽകുന്നതെന്ന് പഠനം വ്യക്തമാക്കുന്നു.

പഠനം നടന്നത് ഇങ്ങനെ

വെറുതെയൊരു അനുമാനത്തിന്റെ പുറത്തല്ല ശാസ്ത്രജ്ഞർ ഈ നിഗമനത്തിൽ എത്തിയത്. തികച്ചും ശാസ്ത്രീയമായ പരീക്ഷണങ്ങൾക്കൊടുവിലാണ് ഈ സ്ഥിരീകരണം. ഇതിനായി 30 ഭ്രൂണങ്ങളിൽ നിന്നും, മരണശേഷം പഠനത്തിനായി ശരീരം വിട്ടുനൽകിയ 14 മുതിർന്ന പുരുഷന്മാരിൽ നിന്നുമുള്ള ജനനേന്ദ്രിയ കോശങ്ങൾ അവർ സൂക്ഷ്മമായി പരിശോധിച്ചു. മൈക്രോസ്കോപ്പിലൂടെ കോശങ്ങളുടെ വിവിധ കോണുകളിൽ നിന്നുള്ള പരിശോധനയിൽ, ഈ പ്രദേശത്ത് നാഡീഞരമ്പുകളുടെ എണ്ണം അസാധാരണമാംവിധം കൂടുതലാണെന്ന് വ്യക്തമായി. ജനനേന്ദ്രിയത്തെയും മല#ദ്വാരത്തെയും ബന്ധിപ്പിക്കുന്ന പെരിനിയൽ (perineal), ഡോർസൽ (dorsal) നാഡികളുടെ ശാഖകൾ ഒന്നിക്കുന്നത് ഇവിടെയാണ്. ചില ചെറിയ ഭാഗങ്ങളിൽ മാത്രം 17-ലധികം നാഡീവ്യൂഹങ്ങളാണ് ഗവേഷകർ കണ്ടെത്തിയത്.

എന്തുകൊണ്ടാണ് ഇത്രയധികം സംവേദനക്ഷമത?

ഈ ‘ജി-സ്പോട്ടിൽ’ അതിസൂക്ഷ്മമായ ‘ക്രൗസ് കോർപ്പസെൽസ്’ (Krause corpuscles) എന്നറിയപ്പെടുന്ന പ്രത്യേക തരം പ്ലെഷർ റിസപ്റ്ററുകൾ അടങ്ങിയിട്ടുണ്ട്. ലൈം#ഗിക ബന്ധത്തിലേർപ്പെടുമ്പോൾ ചർമ്മങ്ങൾ തമ്മിലുരസുമ്പോഴുണ്ടാകുന്ന അതിസൂക്ഷ്മമായ പ്രകമ്പനങ്ങൾ പോലും വേഗത്തിൽ തിരിച്ചറിഞ്ഞ് തലച്ചോറിലേക്ക് ലൈം#ഗിക ഉത്തേജനത്തിന്റെ സന്ദേശങ്ങൾ കൈമാറുന്നത് ഇവയാണ്.

കാലങ്ങളായി ലിം#ഗമകുടമാണ് ഉത്തേജനത്തിന്റെ പ്രധാന കേന്ദ്രമെന്നായിരുന്നു ശാസ്ത്രലോകം വിശ്വസിച്ചിരുന്നത്. എന്നാൽ പുതിയ കണ്ടെത്തലോടെ, മകുടത്തേക്കാൾ എത്രയോ മടങ്ങ് സംവേദനക്ഷമതയുള്ള (nerve-dense) ഭാഗമാണ് ഫ്രെനുലാർ ഡെൽറ്റ എന്ന് തെളിഞ്ഞിരിക്കുകയാണ്. ഓസ്‌ട്രേലിയയിലെ ക്വീൻസ്‌ലാൻഡ് സർവകലാശാലയിലെ വിദഗ്ദ്ധനായ എറിക് ചുങ്ങും ഈ കണ്ടെത്തലിനെ ശരിവയ്ക്കുന്നു. “പുരുഷ ലൈം#ഗിക ഉത്തേജനത്തിന് ഏറ്റവും ആനന്ദം നൽകുന്ന ഇടങ്ങളിൽ ഒന്നാണിത്,” അദ്ദേഹം ന്യൂ സയന്റിസ്റ്റിനോട് (New Scientist) വ്യക്തമാക്കി.

തിരുത്തപ്പെടുന്ന ധാരണകൾ

പുരുഷന്മാരുടെ ലൈം#ഗികാരോഗ്യത്തിലും യൂറോളജിയിലും ഇതുവരെ നിലനിന്നിരുന്ന വലിയൊരു അജ്ഞതയ്ക്കാണ് ഈ പഠനത്തോടെ അവസാനമാകുന്നത്. പങ്കാളിക്ക് പരമാവധി ലൈംഗികാനന്ദം നൽകാൻ സ്ത്രീകളുടെ ജി-സ്പോട്ട് കണ്ടെത്താൻ ശാസ്ത്രലോകം വലിയ പ്രാധാന്യം നൽകിയിരുന്നെങ്കിലും പുരുഷന്മാരുടെ കാര്യത്തിൽ ഇത് വലിയൊരു ഇരുട്ടായിരുന്നു.

രസകരമായ മറ്റൊരു കാര്യം, സ്ത്രീകളിലെ ‘ജി-സ്പോട്ട്’ എന്ന പ്രയോഗം തന്നെ തെറ്റിദ്ധരിപ്പിക്കുന്നതാണെന്നാണ് വിദഗ്ദ്ധർ ഇപ്പോൾ ചൂണ്ടിക്കാണിക്കുന്നത്. സെക്ഷ്വൽ മെഡിസിൻ റിവ്യൂ ജേർണലിന്റെ എഡിറ്റർ ഇൻ ചീഫ് ഡോ. ഇർവിൻ ഗോൾഡ്‌സ്റ്റൈന്റെ അഭിപ്രായത്തിൽ, സ്ത്രീകളിൽ ഒറ്റപ്പെട്ട ഒരു ബിന്ദുവിന് പകരം യോ#നിക്കുള്ളിലെ അഞ്ച് വ്യത്യസ്ത ഭാഗങ്ങൾ ചേർന്നതാണ് യഥാർത്ഥത്തിൽ ഈ ഉത്തേജന കേന്ദ്രം. ഏതായാലും, ലൈം#ഗികതയെയും പുരുഷ ശരീരശാസ്ത്രത്തെയും കുറിച്ചുള്ള നമ്മുടെ ധാരണകളിൽ വലിയൊരു തിരുത്തലാവുകയാണ് പുതിയ സ്പാനിഷ് പഠനം.