ഏകദിന ക്രിക്കറ്റിൽ ഐസിസി നിയമങ്ങളിൽ മാറ്റം വരുത്തണമെന്ന് ശ്രീലങ്കൻ ഇതിഹാസ താരം സനത് ജയസൂര്യ. എക്കാലത്തെയും മികച്ച ഓപ്പണർമാരിൽ ഒരാളായ ജയസൂര്യ തന്റെ അഭിപ്രായം ട്വിറ്ററിൽ ആണ് കുറിച്ചത് , നിലവിലെ കാലഘട്ടത്തിൽ സച്ചിൻ ടെണ്ടുൽക്കർ കളിച്ചിരുന്നെങ്കിൽ, അദ്ദേഹം നേടിയതിന്റെ ഇരട്ടട്ടി റണ്ണുകളും ഇരട്ടി സെഞ്ചുറികളും നേടുമായിരുന്നുവെന്ന് ജയസൂര്യ പറഞ്ഞു.
ബൗളർമാർക്ക് കളിയിൽ മികച്ച സ്വാധീനം ചെലുത്താൻ ഐസിസിയുടെ നിയമത്തിൽ ചില മാറ്റങ്ങൾ വരുത്താൻ കഴിയുമെന്ന് ഇതിഹാസ പാക് ബൗളർ ട്വിറ്ററിൽ അഭിപ്രായപ്പെട്ടു. ഇന്നത്തെ സാഹചര്യങ്ങൾ വലിയ തോതിൽ ബാറ്സ്മാനു അനുകൂലമാണ് എന്നതാണ് അതിനു കാരണമായി അദ്ദേഹം പറഞ്ഞത്.
“ഇന്നത്തെ ODI ക്രിക്കറ്റ് ബാറ്റർമാർക്ക് വളരെ സൗഹാർദ്ദപരമാണ്. ) ICC – 2 പുതിയ പന്തുകൾ ഉപയോഗിയ്ക്കാൻ അദ്ദേഹം നിർദേശിച്ചു , 30 ഓവറിന് ശേഷം 1 പന്ത് എടുത്ത് മാറ്റി മറ്റൊന്ന് കൊണ്ട് തുടരുക. അവസാനം ആ പന്ത് 35 ഓവർ മാത്രം പഴക്കമുള്ളതായിരിക്കും. നമുക്ക് കാണാം. അവസാനം ചിലത് വിപരീതമായി നടക്കുന്നത് . #ReverseSwing എന്ന കലയെ സംരക്ഷിക്കൂ. ദയവായി അഭിപ്രായങ്ങൾ പറയൂ,” വഖാർ യൂനിസ് തന്റെ ട്വീറ്റിൽ നേരത്തെ പറഞ്ഞിരുന്നു.
ഇതേക്കുറിച്ച് പ്രതികരിച്ച ജയസൂര്യ, വഖാറിന്റെ അഭിപ്രായത്തോട് താൻ യോജിക്കുന്നുവെന്നും ഇന്നത്തെ അതേ നിയമങ്ങൾക്കനുസൃതമായി ബാറ്റ് ചെയ്യാനുള്ള അവസരം ക്രിക്ക്റ്റ് ഇതിഹാസം സച്ചിന് കിട്ടിയിരുന്നെകിൽ ഇതിൽ കൂടുതൽ റൺസ് അദ്ദേഹതിനു നേടാനാകുമെന്നും ജയസൂര്യ എഴുതി.
അദ്ദേഹത്തിന്റെ വാക്കുകൾ ഇങ്ങനെ
I agree with @waqyounis99 some changes have to be made. If @sachin_rt had the privilege to bat with two balls and under the current power play rules in our era, his runs and centuries would have doubled https://t.co/oIERJiH4d7
— Sanath Jayasuriya (@Sanath07) November 14, 2023
“വഖാർ യൂനിസിന്റെ അഭിപ്രായത്തോട് ഞാൻ യോജിക്കുന്നു, ചില മാറ്റങ്ങൾ വരുത്തേണ്ടതുണ്ട്. രണ്ട് പന്തിൽ ബാറ്റ് ചെയ്യാൻ സച്ചിൻ ടെണ്ടുൽക്കറിന് അവസരമുണ്ടായിരുന്നെങ്കിൽ , നമ്മുടെ കാലഘട്ടത്തിലെ നിലവിലെ പവർ പ്ലേ നിയമങ്ങൾ അനുസരിച്ച്, അദ്ദേഹത്തിന്റെ റണ്ണുകളും സെഞ്ചുറികളും ഇരട്ടിയാകുമായിരുന്നു,” ജയസൂര്യ ട്വിറ്ററിൽ കുറിച്ചു. ന്യൂസിലൻഡിനെതിരെ ഇന്ത്യയുടെ സെമി പോരാട്ടത്തിനു മുന്നോടിയായി ആണ് അദ്ദേഹത്തിന്റെ പരമാർശം .
ഏകദിന ലോകകപ്പിന്റെ നിലവിലെ പതിപ്പ് നിരവധി ഉയർന്ന സ്‌കോറിംഗ് മത്സരങ്ങൾ കണ്ടിട്ടുണ്ട്. ന്യൂദൽഹിയിൽ ശ്രീലങ്കയ്‌ക്കെതിരെ ദക്ഷിണാഫ്രിക്ക ഏകദിന ലോകകപ്പിലെ ഏറ്റവും ഉയർന്ന സ്‌കോറെന്ന റെക്കോർഡ് സ്വന്തമാക്കി. ക്വിന്റൺ ഡി കോക്ക്, എയ്ഡൻ മാർക്രം, റാസി വാൻ ഡെർ ഡസ്സെൻ എന്നിവരുടെ സെഞ്ച്വറികളുടെ പിൻബലത്തിൽ ദക്ഷിണാഫ്രിക്ക 428 റൺസ് അടിച്ചെടുത്തു. 2023ലെ ലോകകപ്പ് ഏകദിന ലോകകപ്പുകളിൽ ഇതുവരെ കണ്ടിട്ടുള്ളതിൽ വച്ച് ഏറ്റവും ഉയർന്ന വിജയകരമായ ചേസ് എന്ന റെക്കോർഡും തകർത്തു. ഹൈദരാബാദിലെ രാജീവ് ഗാന്ധി രാജ്യാന്തര സ്റ്റേഡിയത്തിൽ ശ്രീലങ്കയ്‌ക്കെതിരെ പാകിസ്ഥാൻ ഉയർത്തിയ 345 റൺസിന്റെ വിജയലക്ഷ്യം പിന്തുടർന്നു വിജയിച്ചിരുന്നു .
