2017ൽ കൊച്ചിയിൽ ഒരു പ്രമുഖ നടിയെ തട്ടിക്കൊണ്ടുപോയി ലൈംഗികമായി പീഡിപ്പിച്ച കേസിൽ പ്രതിയായിട്ടും നടൻ ദിലീപിൻ്റെ ഏറ്റവും പുതിയ കോമഡി ത്രില്ലർ പവി കെയർടേക്കറിൽ അഭിനയിക്കാനുള്ള തീരുമാനത്തെ പ്രതിരോധിച്ച് നടി രാധിക ശരത്കുമാർ രംഗത്തെത്തി. ദിലീപ് ആ കേസിൽ കുറ്റാരോപിതൻ മാത്രമായതിയാലും കേസ് ഇപ്പോഴും നടക്കുന്നതിനാലും ദിലീപിനൊപ്പം പ്രവർത്തിക്കാൻ വിസമ്മതിച്ചിട്ടില്ലെന്നും രാധിക പറഞ്ഞു.
2017ലെ കേസിന് ശേഷം ദിലീപും മറ്റ് 12 പേരും അറസ്റ്റിലായതിന് ശേഷം രൂപീകരിച്ച ജസ്റ്റിസ് ഹേമ കമ്മറ്റി റിപ്പോർട്ടിലെ സമീപകാല വെളിപ്പെടുത്തലുകളുടെ വെളിച്ചത്തിലാണ് പവി കെയർ ടേക്കർ എന്ന ചിത്രത്തിൽ ദിലീപുമായുള്ള സഹകരണത്തെക്കുറിച്ച് ചോദിച്ചത്. ഏഷ്യാനെറ്റിന് നൽകിയ അഭിമുഖത്തിൽ രാധിക പറഞ്ഞു, “അദ്ദേഹം ഒരുകുറ്റാരോപിതൻ മാത്രമാണ് , കേസ് ഇപ്പോഴും നടക്കുന്നുണ്ട്, അതിനാൽ എനിക്ക് പോയി പറയാൻ കഴിയില്ല,ഞാൻ അയാളോടൊപ്പം അഭിനയിക്കില്ല എന്ന്. എൻ്റെ ഇൻഡസ്ട്രിയിൽ തന്നെ ഇതേ പോലെ ഒരുപാട് പേരുണ്ട്. വലിയ കാര്യങ്ങളിൽ കുറ്റം ആരോപിക്കപ്പെടുന്നവർ.
മോശമായ കാര്യങ്ങൾ ചെയ്ത മുഖ്യമന്ത്രിമാരെക്കുറിച്ച് എനിക്ക് നിങ്ങളോട് പറയാൻ കഴിയും. അവരോട് ഞാൻ സംസാരിക്കുന്നില്ലേ? ഉന്നത രാഷ്ട്രീയക്കാർ സ്ത്രീകളോട് മോശമായി പെരുമാറുന്നത് ഞാൻ കണ്ടിട്ടുണ്ട്. ഈ മനുഷ്യനോ ആ വ്യക്തിയോ തെറ്റ് ചെയ്തുവെന്ന് വിരൽ ചൂണ്ടാൻ എനിക്ക് എങ്ങനെ കഴിയും അതിനു തനിക്ക് സാധിക്കില്ല എന്നും രാധിക, പറഞ്ഞു.
2017 ഫെബ്രുവരി 17 ന്, ഒരു പ്രമുഖ മലയാള ചലച്ചിത്ര നടിയെ ഒരു സംഘം പുരുഷന്മാർ തട്ടിക്കൊണ്ടുപോയി കാറിൽ ലൈംഗികമായി പീഡിപ്പിച്ചു, ഇത് കേരളത്തിലുടനീളം വലിയ ജനരോഷമുണ്ടാക്കുകയും വലിയ വിവാദങ്ങൾക്ക് മലയാളം സിനിമ മേഖല സാക്ഷ്യം വഹിക്കുകയും ചെയ്തു. ആ സംഭവം മലയാള സിനിമാ വ്യവസായത്തിൽ സ്ത്രീകൾ നേരിടുന്ന വിവേചനപരമായ പെരുമാറ്റം സ്കാനറിലേക്ക് കൊണ്ടുവരികയും ചെയ്തു. അതിന്റെ പിന്നാലെ ആണ് മലയാള സിനിമ മേഖലയിൽ സ്ത്രീകൾ അനുഭവിക്കുന്ന പ്രശ്നങ്ങൾ പഠിക്കാൻ റിട്ടേർഡ് ഹൈ കോടതി ജഡ്ജ് ജസ്റ്റിസ് ഹേമയെ സർക്കാർ ചുമതലപ്പെടുത്തിയത്.
ഹേമ കമ്മിറ്റി റിപ്പോർട്ട് കേരള സർക്കാരിന് സമർപ്പിച്ച് അഞ്ച് വർഷത്തിന് ശേഷം ഓഗസ്റ്റ് 19 ന് ആണ് അത് പൊതു മദ്യത്തിൽ എത്തിയത്. അതും നിരവധി കോടതി വ്യവഹാരങ്ങൾക്ക് ശേഷം. ദിലീപ് നായകനായ പവി കെയർടേക്കർ ഈ വർഷം ആദ്യം തിയേറ്ററുകളിൽ റിലീസ് ചെയ്യുകയും എന്നാൽ ബോക്സ്ഓഫീസിൽ വലിയ വിജയം നേടാനാവാതെ പോവുകയുമായിരുന്നു. ദിലീപിന്റെ താനേ സൂപ്പർ ഹിറ്റ് ചിത്രമായ രാമലീലയിൽ ദിലീപിന്റെ അമ്മയായും നേരത്തെ രാധിക ശരത്കുമാർ വേഷമിട്ടിരുന്നു.
