2017-ൽ വിവാഹിതരായ നാഗചൈതന്യയും സാമന്ത റൂത്ത് പ്രഭുവും 2021-ൽ വേർപിരിഞ്ഞത് ആരാധകരെ ദുഃഖത്തിലാഴ്ത്തിയിരുന്നു. ദീർഘകാലത്തെ പ്രണയത്തിനൊടുവിൽ ആയിരുന്നു ഇരുവരുടെയും വിവാഹം. 2024 ഡിസംബറിൽ നാഗചൈതന്യ നടി ശോഭിത ധുലിപാലയെ വിവാഹം കഴിച്ചു. എന്നാൽ, അവരുടെ വിവാഹം ചില ഓൺലൈൻ ഉപയോക്താക്കളിൽ നിന്ന് വലിയ തോതിലുള്ള വിമർശനങ്ങൾക്ക് ഇടയാക്കി. സമാന്തയുമായുള്ള വിവാഹബന്ധം തകരാൻ ശോഭിതയാണ് കാരണമെന്ന് ചിലർ ആരോപിച്ചു. ശോഭിതയ്ക്കെതിരെ രൂക്ഷമായ സൈബർ ആക്രമണങ്ങളും ഉണ്ടായി.
ശോഭിതയ്ക്കെതിരായ അടിസ്ഥാനരഹിതമായ ആരോപണങ്ങൾ ഓൺലൈനിൽ പുതിയ വിവാദത്തിന് തുടക്കമിട്ടു. പലരും ശോഭിതയെ പിന്തുണച്ചും നാഗയുടെയും സാമന്തയുടെയും ബന്ധം വേർപിരിയുന്നത് വ്യക്തിപരമായ കാര്യമാണെന്നും വാദിച്ചു. ഈ നെഗറ്റീവ് പ്രതികരണങ്ങൾക്കിടയിലും, തങ്ങളുടെ ജീവിതവുമായി മുന്നോട്ട് പോകാനുള്ള തീരുമാനത്തിൽ ദമ്പതികൾ ഉറച്ചുനിന്നു.
“റോ ടോക്സ് വിത്ത് വികെ” പോഡ്കാസ്റ്റിൽ നൽകിയ അഭിമുഖത്തിൽ, സാമന്തയുമായുള്ള വേർപിരിയലിനെക്കുറിച്ചുള്ള ചോദ്യങ്ങൾക്ക് മറുപടി നൽകി നാഗചൈതന്യ. ശോഭിത ധുലിപാലയ്ക്ക് തങ്ങളുടെ വേർപിരിയലിൽ യാതൊരു പങ്കുമില്ലെന്ന് അദ്ദേഹം വ്യക്തമാക്കി.
ശോഭിതയുമായുള്ള തന്റെ ബന്ധം സ്വാഭാവികമായി ഉണ്ടായതാണെന്നും സമാന്തയുമായുള്ള വിവാഹബന്ധം അവസാനിക്കുന്നതിൽ ബാഹ്യ സ്വാധീനമില്ലെന്നും അദ്ദേഹം പറഞ്ഞു.
“ശോഭിതയെക്കുറിച്ച് ഓർത്ത് ഞാൻ ഒരുപാട് വിഷമിക്കുന്നു. അവൾ ഇതൊന്നും അർഹിക്കുന്നില്ല. ഈ വിഷയത്തിൽ അവൾക്ക് യാതൊരു പങ്കുമില്ല അവളുടെ ഭാഗത്തു തെറ്റില്ല. അവൾ എന്റെ ജീവിതത്തിലേക്ക് വന്നു… ഞങ്ങൾ വളരെ സ്വാഭാവികവും മനോഹരവുമായ രീതിയിലാണ് കണ്ടുമുട്ടിയത്. ഇൻസ്റ്റാഗ്രാമിലെ സാധാരണ സോഷ്യൽ മീഡിയ ചാറ്റ് പോലെ, ഞങ്ങളുടെ സൗഹൃദം തുടങ്ങി, അതിൽ നിന്ന് ഞങ്ങളുടെ ബന്ധം പതുക്കെ വളർന്നു,” നാഗ ചൈതന്യ പറഞ്ഞു.
സമാന്തയുമായുള്ള മുമ്പത്തെ ബന്ധവുമായി ശോഭിത ധുലിപാലയ്ക്ക് ബന്ധമില്ലെന്ന് നാഗചൈതന്യ കൂടുതൽ ഊന്നിപ്പറഞ്ഞു. അവരുടെ സാഹചര്യത്തെ ശാന്തതയോടെ കൈകാര്യം ചെയ്തതിന് അദ്ദേഹം അവളെ “യഥാർത്ഥ നായിക” എന്ന് പ്രശംസിച്ചു. ഇത് അവൾക്കും ഒരു വെല്ലുവിളിയായിരുന്നുവെന്നും അദ്ദേഹം അംഗീകരിച്ചു.
“എന്റെ കഴിഞ്ഞ കാലവുമായി അവൾക്ക് ഒരു ബന്ധവുമില്ല… അവളെക്കുറിച്ച് ഓർത്ത് ഞാൻ ഒരുപാട് വിഷമിക്കുന്നു, അതേസമയം, ഞാൻ അവളോട് ഒരുപാട് നന്ദിയുള്ളവനാണ്. കാരണം അവൾ വളരെയധികം എന്നെ മനസ്സിലാക്കുന്നവളും ക്ഷമയുള്ളവളുമാണ് . ഒരുപാട് പക്വതയോടെയാണ് അവൾ ഇതെല്ലാം കൈകാര്യം ചെയ്തത്. ഒരുപാട് രീതിയിൽ അവൾ എനിക്ക് ഒരു യഥാർത്ഥ നായികയാണ്. ഇത്തരം ഒരു പ്രതിസന്ധിയെ നേരിടുന്നത് എളുപ്പമല്ല,” നാഗചൈതന്യ കൂട്ടിച്ചേർത്തു.
സമാന്തയുമായുള്ള വിവാഹമോചനത്തെക്കുറിച്ച് അദ്ദേഹം പറഞ്ഞു: “ഞങ്ങൾ ഓരോരുത്തരുടെയും വഴികൾ വെവ്വേറെയാണ് അത് സ്വന്തമാക്കാൻ ഞങ്ങൾ ആഗ്രഹിച്ചു. ഞങ്ങളുടെതയ കാരണങ്ങൾക്കായി, ഞങ്ങൾ ഈ തീരുമാനം എടുത്തു, ഞങ്ങൾ പരസ്പരം ബഹുമാനിക്കുന്നു. ഞങ്ങൾ ഓരോരുത്തരുടെയും രീതിയിൽ ഞങ്ങളുടെ ജീവിതം മുന്നോട്ട് കൊണ്ടുപോകുകയാണ്. ഇക്കാര്യത്തിൽ കൂടുതൽ വിശദീകരണം ആവശ്യമുണ്ടെന്ന് എനിക്ക് തോന്നുന്നില്ല . പ്രേക്ഷകരും മാധ്യമങ്ങളും അത് ബഹുമാനിക്കുമെന്ന് ഞാൻ കരുതുന്നു. സ്വകാര്യത വേണമെന്ന് ഞങ്ങൾ ആവശ്യപ്പെട്ടിട്ടുണ്ട്. ഈ വിഷയത്തിൽ ഞങ്ങളെ ബഹുമാനിക്കുകയും സ്വകാര്യത നൽകുകയും ചെയ്യുക. പക്ഷേ, നിർഭാഗ്യവശാൽ, ഇതൊരു തലക്കെട്ടായി. ഇതൊരു വിഷയമോ ഗോസിപ്പോ ആയി മാറി. ഇതൊരു വിനോദമായി മാറി.” നാഗചൈതന്യ പറയുന്നു.
താനും സമാന്തയും സന്തോഷത്തോടെ മുന്നോട്ട് പോവുകയാണെന്നും തങ്ങൾ ഇരുവരും ഓരോരുത്തരുടെയും ജീവിതം നയിക്കുകയാണെന്നും നാഗചൈതന്യ ഊന്നിപ്പറഞ്ഞു. താൻ വീണ്ടും പ്രണയം കണ്ടെത്തിയെന്നും നിലവിലെ സാഹചര്യത്തിൽ സന്തുഷ്ടനാണെന്നും അദ്ദേഹം പറഞ്ഞു. തന്റെ കഴിഞ്ഞ ബന്ധത്തെ ബഹുമാനപൂർവ്വം സമീപിക്കണമെന്നും അദ്ദേഹം അഭ്യർത്ഥിക്കുന്നു.
“ഞാൻ ഒരുപാട് സന്തോഷത്തോടെ മുന്നോട്ട് പോയി. അവൾ ഒരുപാട് സന്തോഷത്തോടെ മുന്നോട്ട് പോയി. ഞങ്ങൾ ഓരോരുത്തരുടെയും ജീവിതം നയിക്കുകയാണ്. ഞാൻ വീണ്ടും പ്രണയം കണ്ടെത്തി. ഞാൻ ഒരുപാട് സന്തോഷവാനാണ്, ഞങ്ങൾക്ക് പരസ്പരം ഒരുപാട് ബഹുമാനമുണ്ട്. ഇത് എന്റെ ജീവിതത്തിൽ മാത്രം സംഭവിക്കുന്ന കാര്യമല്ല, പിന്നെ എന്നെ എന്തിനാണ് ഒരു കുറ്റവാളിയെപ്പോലെ കണക്കാക്കുന്നത്?” അദ്ദേഹം ചോദിച്ചു.
വിവാഹബന്ധം അവസാനിപ്പിക്കുന്നതിനെക്കുറിച്ച് ചിന്തിച്ചപ്പോൾ, അതിന്റെ പരിണതഫലങ്ങൾ ശ്രദ്ധാപൂർവ്വം പരിഗണിച്ചതിന് ശേഷമാണ് വേർപിരിയാൻ തീരുമാനിച്ചതെന്ന് നാഗചൈതന്യ പറഞ്ഞു.
“വിവാഹത്തിൽ ഏർപ്പെട്ടിരിക്കുന്ന രണ്ടു പേരുടെയും നന്മയ്ക്ക് വേണ്ടിയായിരുന്നു അത്… എന്ത് തീരുമാനമായാലും, ഒരുപാട് ചിന്തയ്ക്കും മറ്റൊരാളോടുള്ള ബഹുമാനത്തിനും ശേഷമാണ് അത്തരത്തിൽ ബോധപൂർവമായ ഒരു തീരുമാനമെടുത്തത്. ഞാൻ ഇത് പറയുന്നത് എനിക്ക് ഇതൊരു വളരെ സെൻസിറ്റീവായ വിഷയമായതുകൊണ്ടാണ്. ഞാൻ ഒരു വിവാഹബന്ധം തകർന്ന കുടുംബത്തിൽ നിന്നാണ് വരുന്നത്. ഞാൻ ഒരു തകർന്ന കുടുംബത്തിലെ കുട്ടിയായിരുന്നു , അതുകൊണ്ട് അനുഭവം എങ്ങനെയെന്ന് എനിക്കറിയാം. ഒരു ബന്ധം തകർക്കുന്നതിന് മുമ്പ് ഞാൻ 1000 തവണ ആലോചിക്കും, കാരണം അതിന്റെ പരിണതഫലങ്ങൾ എനിക്കറിയാം… ഇതൊരു പരസ്പര തീരുമാനമായിരുന്നു,” നാഗചൈതന്യ കൂട്ടിച്ചേർത്തു.
“എനിക്ക് ഒരു രാത്രികൊണ്ട് സംഭവിച്ച കാര്യമല്ല ഇത്. സംഭവിച്ചത് മോശമായിപ്പോയെന്ന് തോന്നുന്നു, പക്ഷേ എല്ലാം ഒരു കാരണത്തിന് വേണ്ടിയാണ് സംഭവിക്കുന്നത്. നിങ്ങൾ സ്വയം നിർമ്മിക്കുന്നു, നിങ്ങൾ മുന്നോട്ട് പോകുന്നു, ശരിയായ പാത ഉടൻ കണ്ടെത്തും. അതാണ് എനിക്ക് സംഭവിച്ചത്,” നാഗചൈതന്യ പറഞ്ഞു.
2017-ൽ വിവാഹിതരായ നാഗചൈതന്യയും സാമന്ത റൂത്ത് പ്രഭുവും 2021-ൽ വേർപിരിഞ്ഞു. നാഗ ഇപ്പോൾ നടി ശോഭിത ധുലിപാലയെ വിവാഹം കഴിച്ചിരിക്കുന്നു.
