പാ രഞ്ജിത്തിന്റെ ‘തങ്കലാന്‍’ മലയാളികള്‍ ഉറ്റുനോക്കുന്ന ചിത്രമാണ്. കെജിഎഫ് എന്ന തീരാത്ത ചരിത്രത്തിന്റെ പശ്ചാത്തലത്തില്‍ നിന്നുകൊണ്ട് ഒരുക്കുന്ന ഈ ചിത്രം, ഇതിഹാസ സൃഷ്ടിയാകുമെന്ന പ്രതീക്ഷയിലാണ് ആരാധകര്‍. ചിയാൻ വിക്രം വിക്രമിന്റെ അഭിനയ മികവും പാ രഞ്ജിത്തിന്റെ ദൃശ്യഭാഷയും ചേര്‍ന്ന് ഒരു മികച്ച സിനിമയ്ക്ക് തുടക്കം കുറിച്ചിരിക്കുകയാണ്.
പാ രഞ്ജിത്തിന്റെ ‘തങ്കലാന്‍’ റിലീസിന് ഒരുക്കങ്ങള്‍ പുരോഗമിക്കുകയാണ്. ചിയാൻ വിക്രം, പാര്‍വതി തിരുവോത്ത്, മാളവികാ മോഹനന്‍, ഡാനിയല്‍ കാള്‍ട്ടഗിറോണ്‍, പാശുപതി എന്നിവരാണ് ചിത്രത്തിലെ മുഖ്യവേഷങ്ങള്‍. ആഗസ്റ്റ് 15ന് ചിത്രം തിയേറ്ററുകളിലെത്തും.
കര്‍ണാടകയിലെ കോലാര്‍ ഗോള്‍ഡ് ഫീല്‍ഡ്‌സ് (കെജിഎഫ്) എന്ന ചരിത്രപരമായ പശ്ചാത്തലത്തിലാണ് ‘തങ്കലാന്‍’ ഒരുങ്ങുന്നത്. യാഷ് നായകനായ ‘കെജിഎഫ്’ ചിത്രത്തിലും ഈ പ്രദേശത്തിന്റെ ചരിത്രം തൊട്ടുകടന്നിരുന്നു. എന്നാല്‍ ‘കെജിഎഫ്’ കെജിഎഫിന്റെ പൈതൃകത്തിന് ഒരു സിനിമാറ്റിക് കാഴ്ച നല്‍കിയപ്പോള്‍, അതിന്റെ ചരിത്രപരമായ പോരാട്ടങ്ങളെ ആഴത്തില്‍ അവതരിപ്പിക്കുകയാണ് ‘തങ്കലാന്‍’ ലക്ഷ്യമിടുന്നത്.
‘കെജിഎഫ്’ ട്രെയ്‌ലര്‍ കണ്ടതിന് പിന്നാലെ ‘തങ്കലാന്‍’ നിര്‍മാണം താത്കാലികമായി നിര്‍ത്തിവച്ചതായി പാ രഞ്ജിത് പറഞ്ഞു. രണ്ട് ചിത്രങ്ങളിലും സമാനതകള്‍ കണ്ടെത്തിയതിന്റെ നിരാശയിലാണ് തീരുമാനമെടുത്തത്. പിന്നീട് രണ്ട് കഥകള്‍ വ്യത്യസ്തമാണെന്ന് ഉറപ്പിച്ച ശേഷമാണ് ചിത്രത്തിന്റെ നിര്‍മാണം പുനരാരംഭിച്ചത്.
ചെന്നൈയില്‍ നടന്ന ഒരു ചടങ്ങില്‍ ചിയാൻ വിക്രമിനോടുള്ള തന്റെ ബഹുമാനം പങ്കുവെച്ച പാ രഞ്ജിത്, അദ്ദേത്തെ പ്രശംസ കൊണ്ട് മൂടി . ചിത്രീകരണ സമയത്ത് വാരിയെല്ല് പൊട്ടിയെങ്കിലും അത് പരിഗണിക്കാതെ വിക്രം അഭിനയിച്ചുവെന്ന് രഞ്ജിത് പറഞ്ഞു. “വിക്രം സാറിന്റെ എനിക്ക് നല്‍കിയ വിശ്വാസവും അദ്ദേഹത്തിന്റെ അശ്രാന്ത പരിശ്രമവും ഈ ചിത്രത്തെ പ്രത്യേകമാക്കുന്നു. പ്രത്യേകിച്ചും അദ്ദേഹത്തിനുവേണ്ടി ചിത്രത്തിന്റെ വിജയം പ്രതീക്ഷിക്കുന്നു,” രഞ്ജിത് പറഞ്ഞു.
‘തങ്കലാന്‍’ എന്ന ചിത്രത്തിനായി താന്‍ നടത്തിയ കഠിനാധ്വാനത്തെക്കുറിച്ച് വിക്രവും മനസ് തുറന്നു. വേഷത്തിനായി താന്‍ വരുത്തിയ ശാരീരിക മാറ്റങ്ങളും ചിത്രത്തിന്റെ ആവശ്യങ്ങള്‍ നിറവേറ്റുന്നതിന് ആരോഗ്യത്തില്‍ ശ്രദ്ധിച്ചതിനെക്കുറിച്ചും അദ്ദേഹം പറഞ്ഞു. തന്റെ കരിയറിലെ പ്രധാനപ്പെട്ട ചിത്രമാണ് ‘തങ്കലാന്‍’ എന്നും കഥാപാത്രത്തെ ജീവസുറ്റതാക്കി അവതരിപ്പിക്കാന്‍ താന്‍ ശ്രമിച്ചുവെന്നും വിക്രം പറഞ്ഞു.
‘കെജിഎഫ്’ ഫെയിം യാഷിന് ‘തങ്കലാന്‍’ സ്പെഷല്‍ സ്‌ക്രീനിംഗ് നല്‍കുമെന്ന വാര്‍ത്തകളും പുറത്തുവന്നിട്ടുണ്ട്.
