ക്യൂബൻ കോളനി എന്ന ചിത്രത്തിലൂടെ ചുരുങ്ങിയ കാലം കൊണ്ട് പ്രേക്ഷക മനസ്സിൽ ഇടം നേടിയ താരമാണ് ഗീതി താരം അഭിനയ രംഗത്തേക്ക് എത്തുന്നത് ഈ ചിത്രത്തിലൂടെയാണ്. ഇപ്പോഴിതാ മലയാള സിനിമയിലെ കാസ്റ്റിംഗ് കൗച്ചിനെ കുറിച്ച് തുറന്ന് പറയുകയാണ് താരം.
മലയാള സിനിമയിൽ ആരും ഒന്നും നിർബന്ധിക്കില്ലെങ്കിലും കാസ്റ്റിംഗ് കൗച്ച് ഉണ്ടാകുമെന്ന് ഗീതി സംഗീത. കരിയറിന്റെ തുടക്കത്തില് തന്നെ സമീപിച്ച് ചോദിച്ചിരുന്നുവെങ്കിലും താത്പര്യമില്ലെന്ന് പറഞ്ഞപ്പോള് റോളില്ലെന്ന് പറഞ്ഞ് ഒഴിഞ്ഞുമാറിയെന്ന് ഗീതി പറയുന്നു.
ഗീതി സംഗീതയുടെ വാക്കുകൾ ഇങ്ങനെ;
‘ഇവിടെ ആരും നിർബന്ധിക്കില്ല. പുതിയ കുട്ടികളുടെ മാതാപിതാക്കൾ എന്നോട് പലപ്പോഴും ചോദിക്കാറുണ്ട്. നിങ്ങൾക്ക് ഇഷ്ടമല്ലെങ്കിൽ ആരും നിങ്ങളെ ഒന്നും ചെയ്യാൻ നിർബന്ധിക്കില്ല. ചിലപ്പോൾ അവർ ചോദിച്ചേക്കാം. ആദ്യം ഒന്നുരണ്ടുപേർ എന്നോട് ചോദിച്ചു, ഞാൻ അങ്ങനെയല്ലെന്ന് അവരോട് പറഞ്ഞു.
എല്ലാ ജോലിയും ഉപേക്ഷിച്ച് സ്നേഹത്തോടെ ഞാൻ വന്നു. മര്യാദയുള്ള ജോലിയുണ്ടെങ്കിൽ വിളിക്കൂ, ഇല്ലെങ്കിൽ നമ്മളെ വിട്ടേക്കൂ. പിന്നെ ആരും ചോദിക്കില്ല. ഒരു പടമുണ്ട് പക്ഷേ ഗീതിയുടെ രീതിക്ക് പറ്റില്ല എന്ന് ചിലർ പറയും. ഇവിടെ എല്ലാം പരസ്യമാണ്. ഇൻഡസ്ട്രിയിൽ ഗീതി എന്ത് രീതിയിൽ ജോലി ചെയ്യുമെന്ന് മറ്റുള്ളവർ അറിയുന്നത് നല്ലതാണ് അതൊരു സന്തോഷവും അഭിമാനവുമാണ്.
