തങ്ങളുടെ ആമസോൺ പാക്കേജിനുള്ളിൽ ജീവനുള്ള മൂർഖൻ പാമ്പിനെ കണ്ടെത്തിയതായി ബെംഗളൂരുവിൽ നിന്നുള്ള ദമ്പതികൾ അവകാശപ്പെട്ടു. എഞ്ചിനീയർ ദമ്പതികൾ ഓൺലൈൻ ഡെലിവറി പ്ലാറ്റ്‌ഫോമായ ആമസോണിൽ നിന്ന് ഒരു എക്സ്ബോക്സ് കൺട്രോളർ ഓർഡർ ചെയ്തു, എന്നാൽ പാക്കേജ് ലഭിച്ചപ്പോൾ അവർക്ക് ഞെട്ടലുണ്ടാകുന്ന ഒരു കാഴ്ച കണ്ടു . പാഴ്‌സൽ തുറന്നപ്പോൾ അതാ ഒരു വലിയ മൂർഖൻ പാമ്പ്.
“ഞങ്ങൾക്ക് 2 ദിവസം മുമ്പ് ആമസോണിൽ നിന്ന് ഒരു എക്സ്ബോക്സ് കൺട്രോളർ ഓർഡർ ചെയ്തു, പാക്കേജിൽ ഒരു ജീവനുള്ള പാമ്പ് പുറത്തു വന്നു . പാക്കേജ് നേരിട്ട് ഡെലിവറി പാർട്ണർ ഞങ്ങൾക്ക് കൈമാറി അല്ലാതെ പുറത്തു വച്ചിട്ട് പോവുകയായിരുന്നില്ല ഞങ്ങൾ സർജാപൂർ റോഡിൽ താമസിക്കുന്നു, മുഴുവൻ സംഭവവും ക്യാമറയിൽ പകർത്തിയിട്ടുണ്ട് . , കൂടാതെ ഞങ്ങൾക്ക് ഇതിന് ദൃക്‌സാക്ഷികളുണ്ട്,” ഉപഭോക്താവ് ഒരു ദേശീയ മാധ്യമത്തോട് പറഞ്ഞു.
കമ്പനി എങ്ങനെ പ്രതികരിച്ചു?
ഈ വിഷയത്തില്‍ കമ്പനി എങ്ങനെ പ്രതികരിച്ചു എന്ന ചോദ്യത്തിന് ദമ്പതികള്‍ പറഞ്ഞത് ഇങ്ങനെ; തങ്ങൾക്ക് റീഫണ്ട് ലഭിച്ചതായും എന്നാൽ ഈ സംഭവം തങ്ങളുടെ ജീവിതത്തിന് ഉണ്ടാക്കുന്ന അപകടസാധ്യതയെക്കുറിച്ച് ചോദ്യങ്ങൾ ഉന്നയിച്ചതായും ഉപഭോക്താവ് പറഞ്ഞു. “ഞങ്ങൾക്ക് ആമസോണിൽ നിന്ന് പൂർണ്ണമായ റീഫണ്ട് ലഭിച്ചു, പക്ഷേ ഉഗ്രവിഷമുള്ള ഒരു പാമ്പിനെ ഉപയോഗിച്ച് ഇവിടെ ജീവൻ പണയപ്പെടുത്തിയാൽ ഞങ്ങൾക്ക് എന്താണ് ലഭിക്കുന്നത്? ഇത് വ്യക്തമായും ആമസോണിൻ്റെ അശ്രദ്ധയും അവരുടെ മോശം ട്രാൻസ്പോർട്ടേഷനും അവരുടെ ഗോഡൗണിന്റെ ശുചിത്വമില്ലായ്മയും ആണ് കാണിക്കുന്നത്. ഒപ്പ്, അവരുടെ മോശമായ മേൽനോട്ടകുറവും കൊണ്ട് മാത്രം സംഭവിച്ച സുരക്ഷാ ലംഘനമാണ്. ഉത്തരവാദിത്തം എവിടെയാണ്? സുരക്ഷയിൽ ഇത്രയും ഗുരുതരമായ വീഴ്ച? ഉപഭോക്താവ് കൂട്ടിച്ചേർത്തു.
In a shocking incident, a family on Sarjapur Road received a live Spectacled Cobra with their Amazon order for an Xbox controller.
The venomous snake was fortunately stuck to packaging tape, preventing harm.#ITReel #Sarjapur #AmazonOrder #SnakeInAmazonOrder pic.twitter.com/EClaQrt1B6
— Prakash (@Prakash20202021) June 19, 2024
ദമ്പതികൾ ട്വിറ്ററിൽ പങ്ക് വച്ച വിഡിയോയിൽ ആമസോണിന്റെ പൊതിക്കുള്ളിൽ പാമ്പിൻ്റെ ദൃശ്യങ്ങൾ സോഷ്യൽ മീഡിയയിൽ വൈറലാകുകയാണ്. ഒരു ബക്കറ്റിനുള്ളിൽ സൂക്ഷിച്ചിരിക്കുന്ന പാതി തുറന്ന ആമസോൺ പാക്കേജ് വീഡിയോയിൽ കാണാം. പാക്കേജിംഗ് ടേപ്പിൽ ഒട്ടിപ്പിടിച്ച ഒരു പാമ്പ് കുലുങ്ങി രക്ഷപ്പെടാൻ ശ്രമിക്കുന്നതും നമുക്ക് കാണാം. വീഡിയോ വലിയ തോതിൽ വൈറലാവുകയും നിരവധി പേര് ദമ്പതികൾക്ക് പിന്തുണയുമായി എത്തി ഒപ്പം ആമസോണിന്റെ ഉത്തരവാദിത്വമില്ലായ്മയെ കുറ്റപ്പെടുത്തുകയും ചെയ്യുന്നുണ്ട്. എന്നാൽ കുറച്ചു പേർ സംഭവത്തിന്റെ ആധികാരികതയെ ചോദ്യം ചെയ്യുന്നുമുണ്ട്.
