മുതിർന്നവർക്കുള്ള സിനിമകൾ അഥവാ അ#ഡൾട്ട് ഫിലിമുകൾ കാണുമ്പോഴെങ്കിലും, ഒരിക്കലെങ്കിലും നിങ്ങളുടെ മനസിൽ തോന്നിയിട്ടുള്ള ഒരു കാര്യമുണ്ടാകും; “ഇതൊക്കെ ഷൂട്ട് ചെയ്യുന്ന ക്യാമറമാന്റെയും സംവിധായകന്റെയും അവസ്ഥ എന്തായിരിക്കും?” എന്ന്. സ്ക്രീനിൽ കാണുന്നതുപോലെ അത്ര ആസ്വാദ്യകരമാണോ ലൊക്കേഷനിലെ കാര്യങ്ങൾ? അതോ അവർക്കും വികാരങ്ങൾ ഉണ്ടാകാറുണ്ടോ? ഈ ചോദ്യങ്ങൾക്കുള്ള ഉത്തരവുമായി എത്തിയിരിക്കുകയാണ് പ്രശസ്ത അഡൾട്ട് ഫിലിം സംവിധായകനായ ഡിക്ക് ബുഷ്.
ലക്ഷക്കണക്കിന് കോടികളുടെ ബിസിനസ് നടക്കുന്ന ഒരു വ്യവസായമാണ് അഡൾട്ട് ഫിലിം ഇൻഡസ്ട്രി. ഇന്റർനെറ്റിൽ എത്തുന്ന ഓരോ ദൃശ്യത്തിന് പിന്നിലും കൃത്യമായ പ്ലാനിംഗും സാങ്കേതികവിദ്യയും ഉണ്ട്. എന്നാൽ, പുറമെ കാണുന്നതുപോലൊരു ‘ഹരം’ അണിയറപ്രവർത്തകർക്ക് ലഭിക്കാറില്ലെന്ന് മാത്രമല്ല, പലപ്പോഴും അതൊരു വെറും ജോലി മാത്രമായി മാറുന്ന വിരസമായ കാഴ്ചയാണെന്നുമാണ് ഡിക്ക് ബുഷ് പറയുന്നത്. ‘ഹാപ്പി അവർ’ (Happy Hour) എന്ന പോഡ്കാസ്റ്റിലാണ് അദ്ദേഹം ഷൂട്ടിംഗ് സെറ്റുകളിലെ അധികമാരും അറിയാത്ത, അത്ര സുഖകരമല്ലാത്ത യാഥാർത്ഥ്യങ്ങൾ തുറന്നുപറഞ്ഞത്.
**കാഴ്ചയിലെ കൗതുകം, ലൊക്കേഷനിലെ വിരസത**
നമ്മൾ സ്ക്രീനിൽ കാണുമ്പോൾ തോന്നുന്ന വികാരങ്ങളൊന്നും ലൊക്കേഷനിൽ നിൽക്കുന്ന സംവിധായകനോ ക്യാമറമാനാനോ ഉണ്ടാകില്ല. “സംവിധായകൻ എന്ന നിലയിൽ ഞാൻ ആ സംഭവത്തിൽ നിന്നും പൂർണ്ണമായും അകന്നു നിൽക്കുകയാണ്. എന്റെ മുന്നിൽ ഒരു മോണിറ്റർ ഉണ്ടാകും. അതിലൂടെ നോക്കി ഫ്രെയിമിംഗും ലൈറ്റിംഗും ശരിയാണോ എന്ന് പരിശോധിക്കുകയാണ് എന്റെ ജോലി. ഇടയ്ക്ക് തലയുർത്തി നോക്കുമ്പോഴാണ്, തൊട്ടുമുന്നിൽ ആറടി അകലത്തിൽ രണ്ട് പേർ ലൈം#ഗികബന്ധത്തിൽ ഏർപ്പെടുന്നത് കാണുക. സത്യത്തിൽ അതൊരു വിചിത്രമായ അവസ്ഥയാണ്,” ഡിക്ക് ബുഷ് പറയുന്നു.
മോണിറ്ററിലേക്ക് തിരികെ നോക്കുമ്പോൾ അതൊരു സാങ്കേതിക തികവ് വരുത്തേണ്ട ജോലി മാത്രമായി മാറുന്നു. അവിടെ വികാരങ്ങൾക്ക് സ്ഥാനമില്ല, മറിച്ച് പെർഫെക്ഷനാണ് പ്രാധാന്യം.
**റൊമാൻസ് കെടുത്തുന്ന ‘കട്ട്’ വിളികൾ**
സാധാരണ സിനിമകളിലെ പോലെ തന്നെ, അഡൾട്ട് സിനിമകളിലും റീ-ടേക്കുകളും നിർദ്ദേശങ്ങളും ആവശ്യമായി വരാറുണ്ട്. ഇത് പലപ്പോഴും മൂഡ് കളയാറാണ് പതിവ്. “നിങ്ങളുടെ സ്വകാര്യ ജീവിതത്തിൽ പങ്കാളിയുമായി അടുത്തിരിക്കുമ്പോൾ, പെട്ടെന്നൊരാൾ മുറിയിലേക്ക് കടന്നുവന്ന്, ‘അതൊന്ന് നിർത്തു, കാൽ ഇങ്ങോട്ട് വെക്ക്, എനിക്ക് കാണാൻ പറ്റുന്നില്ല, കുറച്ചുകൂടി തുറന്നിരിക്കൂ’ എന്നൊക്കെ പറഞ്ഞാൽ എങ്ങനെയുണ്ടാകും? അത് വല്ലാത്തൊരു അലോസരമായിരിക്കും. അതുതന്നെയാണ് ഇവിടെയും നടക്കുന്നത്. ഇതൊക്കെ കേട്ടുകൊണ്ട് നിൽക്കുന്ന സംവിധായകനും ക്യമാരമാനുമൊക്കെ എന്ത് തോന്നാനാണ്?” അദ്ദേഹം ചോദിക്കുന്നു.
ക്യാമറയ്ക്ക് ഒപ്പിയെടുക്കാൻ പാകത്തിന്, പലപ്പോഴും അഭിനേതാക്കൾക്ക് അസ്വസ്ഥകരമായ പൊസിഷനുകളിൽ തുടരേണ്ടി വരാറുണ്ട്. ഇതെല്ലാം കാണുമ്പോൾ സെക്സിനേക്കാൾ ഉപരി ഒരു കായികാഭ്യാസം കാണുന്ന പ്രതീതിയാണ് അണിയറപ്രവർത്തകർക്ക് ഉണ്ടാകുക.
**അസഹ്യമായ ഗന്ധം**
ഷൂട്ടിംഗ് സെറ്റിൽ ഉത്തേജനം തോന്നാതിരിക്കാനുള്ള പ്രധാന കാരണമായി ഡിക്ക് ബുഷ് ചൂണ്ടിക്കാട്ടുന്നത് മറ്റൊരു കാര്യമാണ്; ലൊക്കേഷനിലെ ഗന്ധം. പലപ്പോഴും അടച്ചിട്ട മുറികളിലാകും ഷൂട്ടിംഗ്. “ചിലപ്പോൾ ഫോട്ടോ ഷൂട്ടുകൾക്ക് ശേഷമായിരിക്കും വീഡിയോ എടുക്കാൻ നമ്മൾ ചെല്ലുക. ആ മുറിയിലേക്ക് കയറുമ്പോൾ തന്നെ വല്ലാത്തൊരു ഗന്ധമായിരിക്കും. ലൈംഗികതയ്ക്ക് അതിന്റേതായ ഗന്ധങ്ങളുണ്ട്. ഒരുപാട് പേർ വിയർത്തുനിൽക്കുന്ന, ലൈംഗിക ഗന്ധമുള്ള ഒരു മുറിയിൽ നിൽക്കുന്നത് ഒട്ടും സുഖകരമായ കാര്യമല്ല,” അദ്ദേഹം കൂട്ടിച്ചേർത്തു.
**യാഥാർത്ഥ്യവും മിഥ്യയും**
സിനിമ എന്നത് ഒരു മായക്കാഴ്ചയാണ്. എഡിറ്റിംഗിലൂടെയും സാങ്കേതികവിദ്യയിലൂടെയും അരോചകമായ കാര്യങ്ങളെല്ലാം നീക്കം ചെയ്താണ് അന്തിമരൂപം പ്രേക്ഷകരിലേക്ക് എത്തുന്നത്. മണിക്കൂറുകൾ നീളുന്ന കഷ്ടപ്പാടും, വിയർപ്പും, സംവിധായകന്റെ ശകാരങ്ങളും ഒന്നും നമ്മൾ കാണുന്നില്ല. ആക്ഷൻ സിനിമകളിൽ റോപ്പിൽ തൂങ്ങിക്കിടക്കുന്ന നായകനെ സ്ക്രീനിൽ കാണുമ്പോൾ പറക്കുന്നതായി തോന്നുന്നത് പോലെ, അഡൾട്ട് സിനിമകളിലെ ‘ആസ്വാദനത്തിന്’ പിന്നിലും വലിയൊരു അഭിനയവും സാങ്കേതികതയും ഉണ്ട്.
അടുത്ത തവണ ഇത്തരമൊരു വീഡിയോ കാണുമ്പോൾ, ആ വിയർപ്പ് മണക്കുന്ന മുറിയിൽ, കനത്ത ക്യാമറയും തൂക്കി, നിർദ്ദേശങ്ങൾ നൽകി മടുപ്പോടെ നിൽക്കുന്ന ആ പാവം സംവിധായകനെയും ക്യാമറമാനേയും കൂടി ഒന്ന് ഓർത്തേക്കൂ. നിങ്ങൾ കരുതുന്നതുപോലൊരു ‘പാർട്ടി’യല്ല അവിടെ നടക്കുന്നത് എന്ന് സാരം.
