കങ്കണ റണാവത്ത് സിനിമയിലെ ഏറ്റവും കഴിവുള്ള നടിമാരിൽ ഒരാളാണ്. അവളുടെ കരിയറിലെ അവിസ്മരണീയമായ നിരവധി പ്രകടനങ്ങൾക്കൊപ്പം, എക്കാലത്തെയും മികച്ച നടിമാരിൽ ഒരാളായി അവർ മുൻ നിരയിൽ തന്നെയുണ്ട്. തന്റെ അഭിനയത്തിന് പലപ്പോഴും അഭിനന്ദനങ്ങളും കൈയടികളും ലഭിക്കുമ്പോൾ, കങ്കണ തന്റെ വ്യക്തിജീവിതത്തിൽ നടത്തുന്ന പ്രസ്താവനകളുടെ പേരിൽ പലപ്പോഴും വിമർശിക്കപ്പെടാറുണ്ട്. വർഷങ്ങളായി, നിരവധി വിവാദങ്ങളുടെ കേന്ദ്രബിന്ദുവായി കങ്കണയെ നമ്മൾ കണ്ടിട്ടുണ്ട്. ഹൃത്വിക് റോഷനുമായുള്ള ബന്ധമായിരുന്നു അവരുടെ വ്യക്തിജീവിതത്തെക്കുറിച്ച് ഏറെ ചർച്ച ചെയ്യപ്പെട്ട ഒരു വിഷയം.
ഹൃത്വിക് റോഷനെ വീണ്ടും ട്രോളി കങ്കണ റണാവത്ത്
ഇരുവരും തമ്മിലുള്ള പ്രണയ ബന്ധത്തെ കുറിച്ചുള്ള എല്ലാ ഭൂതകാല സംഭവങ്ങളും നിരവധി തവണ കുത്തിപ്പൊക്കി വൃത്തികെട്ട പരാമർശങ്ങൾ നടത്തി നിരവധി തവണ മാധ്യമങ്ങൾക്ക് ആഘോഷിക്കാനുള്ള വക കങ്കണ നൽകിയിട്ടുണ്ട്, ഇപ്പോൾ ഒരിക്കൽ കൂടി ഹൃത്വിക് റോഷനുമായുള്ള ബന്ധത്തെ തന്റെ ഒറ്റ ട്വീറ്റിലൂടെ വാർത്ത തലക്കെട്ടിലേക്ക് തിരികെ കൊണ്ടുവന്നിരിക്കുകയാണ് താരം
. 2023 ഫെബ്രുവരി 20-ന് കങ്കണ ട്വിറ്ററിൽ #AskKangana സെഷൻ നടത്തി. സെഷനിൽ, ഹൃത്വിക് റോഷനും പഞ്ചാബി ഗായകൻ ദിൽജിത് ദോസഞ്ചിനും ഇടയിൽ അവർക്ക് ഇഷ്ടപ്പെട്ട നടനെ തിരഞ്ഞെടുക്കാൻ ഒരു ആരാധകൻ നടിയോട് ആവശ്യപ്പെട്ടു. ഇത് തീർച്ചയായും ഒരു വിവാദ ചോദ്യമായിരുന്നു, ഏതൊരു സെലിബ്രിറ്റിയും ഇത് ഒഴിവാക്കുമായിരുന്നു.എന്നാൽ ചോദ്യത്തിന് ക്രൂരമായ മറുപടി ആണ് കങ്കണ നൽകിയത്
ട്വീറ്റ് ഉദ്ധരിച്ച് നടി തന്റെ മുൻ കാമുകൻ ഹൃത്വിക് റോഷനെയും പഞ്ചാബി ഗായകൻ ദിൽജിത് ദോസഞ്ചിനെയും പരിഹസിച്ചു, മുൻപ് ഇരുവരോടും ട്വിറ്ററിൽ വാക്ക് പോര് നടത്തിയിട്ടുള്ള താരം . വീണ്ടും , രണ്ട് അഭിനേതാക്കളെയും ട്രോളിക്കൊണ്ട്, അവർ ഇതുവരെ അഭിനയിക്കുന്നത് താൻ ഒരിക്കലും കണ്ടിട്ടില്ലെന്ന് കങ്കണ പറഞ്ഞു. മികച്ച നടനായി പേര് കേട്ടിട്ടുള്ള ഹൃത്വിക് വെറും ആക്ഷൻ ചെയ്യുന്നുവെന്ന് പറഞ്ഞ് നടി കളിയാക്കുകയും ചെയ്തു. മറുവശത്ത്, ഉഡ്താ പഞ്ചാബ്, ജോഗി തുടങ്ങിയ ചിത്രങ്ങളിലെ അഭിനയത്തിന് ഏറെ പ്രശംസ നേടിയ ദിൽജിത്തിനെ കങ്കണ സോംഗ് വീഡിയോകൾ നിർമ്മിക്കുന്ന വ്യക്തിയായി തരാം താഴ്ത്തി പറഞ്ഞു. നടിയുടെ ക്രൂരമായ ട്വീറ്റ് ഇങ്ങനെ വായിക്കാം:
“ഒരാൾ ആക്ഷൻ ചെയ്യുമെന്നും മറ്റൊരാൾ പാട്ട് വീഡിയോകൾ ചെയ്യുമെന്നും ആണ് ഞാൻ കരുതുന്നത്, സത്യസന്ധമായി അവർ ഒരിക്കലും അഭിനയിക്കുന്നത് ഞാൻ കണ്ടിട്ടില്ല … എന്നെങ്കിലും അവർ അഭിനയിക്കുന്നത് ഞാൻ കണ്ടാൽ മാത്രമേ അതിനെ പറ്റി പറയാൻ കഴിയൂ … അങ്ങനെ എന്തെങ്കിലും സംഭവിച്ചാൽ എന്നെ അറിയിക്കൂ നന്ദി #askkangana.”
വലിയ രീതിയിൽ വീണ്ടും വിവാദങ്ങൾക്ക് കളമൊരുങ്ങിയിരിക്കുകയാണ്. ഇരുതാരങ്ങളും കങ്കണയുടെ ആരോപണങ്ങൾക്ക് ഇതുതുവരെ മറുപടി പറഞ്ഞിട്ടില്ല
ക്രിഷ് 3യിൽ ഹൃത്വിക് റോഷനും കങ്കണ റണാവത്തും ഒരുമിച്ച് പ്രവർത്തിക്കുമ്പോൾ, അവർ പരസ്പരം പ്രണയത്തിലായതായി റിപ്പോർട്ടുണ്ട്. ആ സമയത്ത് ഹൃത്വിക് സുസൈൻ ഖാനെ വിവാഹം കഴിച്ചിരുന്നു. എന്നിരുന്നാലും, ഹൃത്വിക്കുമായുള്ള തന്റെ ബന്ധത്തെക്കുറിച്ച് കങ്കണ മാധ്യമങ്ങളിൽ വെളിപ്പെടുത്തിക്കൊണ്ടിരുന്ന സമയത് , സുസെയ്ൻ വിവാഹമോചനത്തിന് അപേക്ഷ നൽകി, അത് വീണ്ടും ഗോസിപ്പുകൾക്ക് ആക്കം കൂട്ടി . ഹൃത്വികിന്റെയും സൂസന്നയുടെയും വിവാഹമോചനം നടന്നാൽ , കങ്കണയുമായി ഹൃത്വിക് വിവാഹിതയാകുമെന്ന അഭ്യൂഹങ്ങൾ പരന്നിരുന്നു.
എന്നാൽ ആ സമയത്ത് ഹൃത്വിക് കത്രീന കൈഫിനൊപ്പം ബാംഗ് ബാംഗിന്റെ ചിത്രീകരണത്തിലായിരുന്നു, കങ്കണ റണാവത്തുമായുള്ള ബന്ധം അദ്ദേഹം അപ്പോഴേക്കും അവസാനിപ്പിച്ചു. റിപ്പോർട്ടുകൾ പ്രകാരം, കങ്കണയുടെ ക്വീനിന്റെ വിജയത്തിന് ശേഷം ഹൃത്വിക് റോഷൻ കങ്കണയുടെ അടുത്തേക്ക് മടങ്ങി എത്തിയതായും , എന്നാൽ അപ്പോഴേക്കും അവൾ തന്റെ ജീവിതത്തിൽ മുന്നോട്ട് പോയിരുന്നു, ഇത് ഔദ്യോഗികമായി ഹൃത്വിക്കുമായുള്ള കങ്കണയുടെ ആരോപിക്കപ്പെടുന്ന ബന്ധത്തിന്റെ അവസാനമായിരുന്നുവെന്ന് നടി തന്നെ തുറന്നു പറയുന്നു.
കങ്കണ റണാവത്ത് അടുത്തതായി അഭിനയിക്കുന്നത് എമർജൻസി എന്ന ചിത്രത്തിലാണ്.
