നടി സോനം കപൂർ കുറച്ചു നാളുകൾക്ക് മുൻപ് രാജീവ് മസന്ദിന്റെ ദി ആക്ട്രസ്സ് റൗണ്ട് ടേബിൾ ഷോയുടെ ഭാഗമായിരുന്നു, അവിടെ അവരും അനുഷ്ക ശർമ്മ, ആലിയ ഭട്ട്, വിദ്യാ ബാലൻ, രാധിക ആപ്തെ എന്നിവർ പല വിഷയങ്ങളെ പറ്റി സംസാരിച്ചു
നടി സോനം കപൂർ 13 വയസ്സുള്ളപ്പോൾ തന്റെ സുഹൃത്തുക്കൾക്കൊപ്പം സിനിമ തീയറ്ററിൽ വച്ച് പീഡനത്തിനിരയായതിനെക്കുറിച്ച് സംസാരിച്ചു. അവിടെ അനുഷ്ക ശർമ്മ, ആലിയ ഭട്ട്, വിദ്യാ ബാലൻ, രാധിക ആപ്തെ എന്നിവറം സമാനമായ തങ്ങളുടെ പല ജീവിത അനുഭവങ്ങളെ പറ്റി സംസാരിച്ചു.
സംഭാഷണത്തിനിടയിൽ ഒരുപാട് പ്രശ്നങ്ങൾ അഭിസംബോധന ചെയ്യപ്പെട്ടു, എന്നാൽ ലൈംഗിക പീഡനത്തെക്കുറിച്ച് ഓരോരുത്തർക്കും എത്രമാത്രം ശക്തമായി തോന്നി എന്നതായിരുന്നു ഏറ്റവും വലിയ ചർച്ച അതിൽ ഏകദേശം സമാനമായ നിലപാട് ആയിരുന്നു ഏവർക്കും.
സ്ത്രീകൾ ദിവസവും അഭിമുഖീകരിക്കേണ്ടി വരുന്ന പീഡനങ്ങളെ കുറിച്ച് പറയുമ്പോൾ കുട്ടിക്കാലത്ത് ഒരു പുരുഷൻ അനാവശ്യമായി ശരീരത്തിൽ പിടിച്ചതിനെ കുറിച്ച് സോനം പറഞ്ഞു. താരത്തിന്റെ വാക്കുകള് ഇങ്ങനെ “എല്ലാവരും കുട്ടിക്കാലത്ത് ഏതെങ്കിലും തരത്തിലുള്ള ലൈംഗികാതിക്രമങ്ങളിലൂടെ കടന്നുപോകുന്നു. ചെറുപ്പത്തിൽ ഞാൻ പീഡിപ്പിക്കപ്പെട്ടിട്ടുണ്ടെന്നും അത് വേദനിപ്പിക്കുന്നതാണെന്നും എനിക്കറിയാം. രണ്ടോ മൂന്നോ വർഷമായി ഞാൻ അതിനെക്കുറിച്ച് സംസാരിച്ചില്ല. ഞാൻ സംഭവം വളരെ വ്യക്തമായി ഓർക്കുന്നു, ”അവൾ പറഞ്ഞു.
മുംബൈയിലെ ഗെയ്റ്റി ഗാലക്സി തിയേറ്ററിൽ സിനിമയ്ക്കിടയിൽ ലഘുഭക്ഷണം കഴിക്കാൻ ഞങ്ങൾ ഇറങ്ങിയപ്പോഴാണ് സംഭവം. “പിന്നിൽ നിന്ന് വന്ന ഒരാൾ എന്റെ മാറിടത്തിൽ പിടിച്ചു അമർത്തി . വ്യക്തമായും, ആ സമയത്ത് എനിക്ക് സ്തനങ്ങൾ ഇല്ലായിരുന്നു. ഞാൻ ഞെട്ടി വിറയ്ക്കാനും തുടങ്ങി, എന്താണ് സംഭവിക്കുന്നതെന്ന് എനിക്കറിയില്ല, ഞാൻ അവിടെത്തന്നെ ഇരുന്നു കരയാൻ തുടങ്ങി. ഞാൻ അതിനെക്കുറിച്ച് ആരോടും സംസാരിച്ചില്ല. ഞാൻ അവിടെ സിനിമ തീരുന്നത് വരെ അവിടെ ഇരുന്നു, കാരണം കൂടുതൽ സമയവും ഞാൻ ചിന്തിച്ചത് ഞാൻ എന്തെങ്കിലും തെറ്റ് ചെയ്തുവെന്ന് ആയിരുന്നു , ”അവർ പറഞ്ഞു.
മറ്റ് അഭിനേതാക്കൾ അവളുടെ കഥ കേട്ട് ഞെട്ടി, അത്തരം സംഭവങ്ങൾ സാധാരണമാണെന്ന് സമ്മതിക്കുകയും ചെയ്തു. കുട്ടിക്കാലം മുതൽ തന്റെ സുഹൃത്ത് പീഡനത്തിനിരയായപ്പോൾ സമാനമായ ഒരു സംഭവം അനുഷ്ക വിവരിച്ചു. ആ സമയത്ത് അനുഷ്കയുടെ അമ്മ അനുഷ്കയോട് ചോദിച്ചത് അനുഷ്കയെ അനുചിതമായി ആരെങ്കിലും സ്പർശിച്ചിട്ടുണ്ടോ എന്നാണ്. ആ പ്രായത്തിൽ അമ്മ എന്തിനാണ് തന്നോട് ഇങ്ങനെയുള്ള ചോദ്യങ്ങൾ ചോദിക്കുന്നത് എന്ന ആശയക്കുഴപ്പത്തിലായിരുന്നുവെന്നും അനുഷ്ക പറഞ്ഞു.
