ആയിരക്കണക്കിന് ആളുകൾ പൂർണ്ണ ന#ഗ്നരായി ഒരു കപ്പലിൽ ദിവസങ്ങളോളം യാത്ര ചെയ്യുക! കേൾക്കുമ്പോൾ ചിലർക്കെങ്കിലും ഇതൊരു രഹസ്യ മോഹമായി തോന്നാം, എന്നാൽ മറ്റു ചിലർക്ക് ഇതൊരു പേടിസ്വപ്നമാകും. എന്നാൽ ഈ ‘ന്യൂഡ് ക്രൂയിസ്’ അഥവാ നഗ്നരായുള്ള കപ്പൽ യാത്രകളുടെ യാഥാർത്ഥ്യം നമ്മൾ ചിന്തിക്കുന്നതിലും വളരെ വ്യത്യസ്തമാണ്. ലൈം#ഗികതയോ കാമമോ ഒന്നുമല്ല ഇത്തരം യാത്രകളുടെ അടിസ്ഥാനം. അടുത്തിടെ, ഏഴ് ദിവസം നീണ്ടുനിന്ന അത്തരമൊരു യാത്രയിൽ പങ്കെടുത്ത ഒരാൾ റെഡ്ഡിറ്റിലൂടെ (Reddit) പങ്കുവെച്ച അനുഭവങ്ങളാണ് ഇപ്പോൾ ലോകമെമ്പാടും വലിയ ചർച്ചയായിരിക്കുന്നത്.
‘ബെയർ നെസെസിറ്റീസ്’ (Bare Necessities) എന്ന കമ്പനി സംഘടിപ്പിച്ച ഈ ആഡംബര യാത്രയിൽ ഏകദേശം 2,000 ആളുകളായിരുന്നു പങ്കെടുത്തത്. ഒരാൾക്ക് 2500 ഡോളർ (ഏകദേശം രണ്ട് ലക്ഷത്തിലധികം രൂപ) ആയിരുന്നു ഏഴ് ദിവസത്തെ ഈ യാത്രയുടെ ടിക്കറ്റ് നിരക്ക്. കഴിഞ്ഞ പത്ത് വർഷമായി ഇത്തരം യാത്രകളിൽ സ്ഥിരമായി പങ്കെടുക്കുന്ന, പൂർണ്ണമായും പ്രകൃതിയുമായി ഇണങ്ങി ജീവിക്കാൻ ആഗ്രഹിക്കുന്ന ഒരു ‘ന്യൂ#ഡി#സ്റ്റ്’ ആണ് തന്റെ വിശേഷങ്ങൾ റെഡ്ഡിറ്റിൽ തുറന്നുപറഞ്ഞത്.
ഈ പോസ്റ്റിന് താഴെ ആളുകൾ ചോദിച്ച ഏറ്റവും പ്രധാനപ്പെട്ട ചോദ്യം ഇതായിരുന്നു: “ചുറ്റും ഇത്രയധികം ന#ഗ്ന#ശരീരങ്ങൾ കാണുമ്പോൾ അവിചാരിതമായി ലൈം#ഗിക ഉത്തേ#ജനം ഉണ്ടായാൽ എന്ത് സംഭവിക്കും? ഇത്തരം കാര്യങ്ങൾ അവിടെ അനുവദനീയമാണോ?” ഇതിന് വളരെ വ്യക്തമായ മറുപടിയാണ് അദ്ദേഹം നൽകിയത്.
“സാധാരണക്കാർ ഇത്തരം കാര്യങ്ങളെക്കുറിച്ച് ഒരുപാട് ചിന്തിച്ച് ആശങ്കപ്പെടാറുണ്ട്. എന്നാൽ ഒരു ന്യൂ#ഡി#സ്റ്റിനെ സംബന്ധിച്ച് അങ്ങനെയൊന്ന് സംഭവിക്കാൻ സാധ്യത വളരെ കുറവാണ്. ഈ യാത്രകൾ ഒരിക്കലും ലൈം#ഗി#കതയെ പ്രോത്സാഹിപ്പിക്കുന്ന ഒന്നല്ല. അഥവാ അങ്ങനെ എന്തെങ്കിലും ശാരീരിക മാറ്റങ്ങൾ ഉണ്ടായാൽ തന്നെ അത് മറ്റുള്ളവരിൽ നിന്ന് മറച്ചുവെക്കാൻ അയാൾ ബാധ്യസ്ഥനാണ്. അല്ലാത്തപക്ഷം അത് വലിയ നിയമപ്രശ്നങ്ങൾക്ക് കാരണമാകും,” അദ്ദേഹം വ്യക്തമാക്കി. ലൈം#ഗി#കതയുമായി യാതൊരു ബന്ധവുമില്ലാത്ത വളരെ ശാന്തമായ ഒരു അന്തരീക്ഷമാണ് കപ്പലിലുണ്ടാവുക.
പിന്നെന്തിനാണ് ആളുകൾ ഇത്രയും പണം മുടക്കി ഇത്തരം യാത്രകൾ ചെയ്യുന്നത്? ഈ ചോദ്യത്തിനും അദ്ദേഹത്തിന് വ്യക്തമായ ഉത്തരമുണ്ട്. വസ്ത്രങ്ങളുടെ യാതൊരു ബുദ്ധിമുട്ടുകളുമില്ലാതെ നീന്താനും, നൃത്തം ചെയ്യാനും, കടൽത്തീരത്തൂടെ സ്വതന്ത്രമായി നടക്കാനും ലഭിക്കുന്ന ആ വലിയ സ്വാതന്ത്ര്യമാണ് ഈ യാത്രകളുടെ പ്രധാന ആകർഷണം. “ശരീരപ്രദർശനമല്ല ഇതിന്റെ ലക്ഷ്യം. പുരുഷന്മാർ ഷർട്ട് ഇടാതെ കടൽത്തീരത്ത് നടക്കുമ്പോൾ ലഭിക്കുന്ന അതേ സ്വാതന്ത്ര്യം മുഴുവൻ ശരീരത്തിനും ലഭിക്കുന്നു എന്ന് മാത്രം,” അദ്ദേഹം വിശദീകരിക്കുന്നു. മനുഷ്യശരീരത്തെ അതിന്റെ സ്വാഭാവിക രൂപത്തിൽ അംഗീകരിക്കാനും സ്നേഹിക്കാനുമാണ് ഇത്തരം വേദികൾ ഉപയോഗിക്കുന്നത്.
കപ്പലിലെ എല്ലാവരും എപ്പോഴും ന#ഗ്ന#രാണോ എന്ന് ചോദിച്ചാൽ അല്ല എന്ന് വേണം പറയാൻ. കപ്പലിലെ ജീവനക്കാർ എല്ലാവരും കൃത്യമായി വസ്ത്രം ധരിച്ചാണ് ജോലി ചെയ്യുന്നത്. അതുപോലെ തന്നെ ഭക്ഷണം കഴിക്കുന്ന ഡൈനിങ് ഹോളുകളിലും ബഫെ കൗണ്ടറുകളിലും എല്ലാവരും നിർബന്ധമായും വസ്ത്രം ധരിച്ചിരിക്കണം എന്ന കർശന നിയമമുണ്ട്. വൈകുന്നേരം 6 മണിക്ക് ശേഷം കപ്പലിലെ അന്തരീക്ഷം മാറും. ചിലർ ന#ഗ്ന#രായി തുടരുമ്പോൾ, മറ്റ് ചിലർ സാധാരണ വസ്ത്രങ്ങളിലോ പാർട്ടികൾക്ക് അനുയോജ്യമായ നേരിയ വസ്ത്രങ്ങളിലോ ആയിരിക്കും സമയം ചിലവഴിക്കുക.
ഈ യാത്രയുടെ തുടക്കം മുതൽ ആർക്കും ന#ഗ്ന#രാകാൻ കഴിയില്ല എന്നതും ശ്രദ്ധേയമാണ്. കപ്പൽ കരയോട് ചേർന്ന് നിൽക്കുമ്പോൾ എല്ലാവരും വസ്ത്രം ധരിക്കണം. കരയിൽ നിന്നും ഒരു നിശ്ചിത ദൂരം പിന്നിട്ട് ഉൾക്കടലിലേക്ക് എത്തുമ്പോൾ, വസ്ത്രങ്ങൾ അഴിച്ചുമാറ്റാൻ കപ്പലിന്റെ ക്യാപ്റ്റൻ ഔദ്യോഗികമായി അനൗൺസ്മെന്റ് നടത്തും. അതുപോലെ തന്നെ യാത്രക്കാരുടെ സ്വകാര്യതയ്ക്ക് ഇവിടെ വലിയ പ്രാധാന്യമുണ്ട്. ക്യാബിനുകൾക്ക് പുറത്ത് ഫോണോ ക്യാമറയോ ഉപയോഗിക്കാൻ ആർക്കും അനുവാദമില്ല. ആരുടെയും ചിത്രങ്ങൾ പകർത്തപ്പെടുന്നില്ല എന്ന് ഉറപ്പാക്കാനാണിത്.
ചുരുക്കത്തിൽ, സിനിമകളിലോ മറ്റോ കാണുന്നതുപോലെയുള്ള ലൈം#ഗി#കത നിറഞ്ഞ കേളികളുടെ വേദിയല്ല ഇത്തരം ന#ഗ്ന കപ്പൽ യാത്രകൾ. മറിച്ച്, സമൂഹത്തിന്റെ മുൻവിധികൾക്ക് അപ്പുറത്ത് മനുഷ്യ ശരീരത്തെ അതിന്റെ തനതായ രൂപത്തിൽ അംഗീകരിക്കാനും, പ്രകൃതിയോട് ചേർന്ന് നിന്ന് പൂർണ്ണ സ്വാതന്ത്ര്യം അനുഭവിക്കാനും ആഗ്രഹിക്കുന്ന ഒരു പറ്റം ആളുകളുടെ ഒത്തുചേരൽ മാത്രമാണിത്.
