മെക്സിക്കോയിലെ ന്യൂവോ ലിയോണിലുള്ള ചിപിൻക്യൂ ഇക്കോളജിക്കൽ പാർക്കിൽ ക്ഷുഭിതനായ ഒരു കറുത്ത കരടി ക്ഷണിക്കപ്പെടാതെ പ്രത്യക്ഷപ്പെട്ടപ്പോൾ, ഒരു കുടുംബത്തിന്റെ ഒരു ജന്മദിന ആഘോഷം ഭയപ്പാടിന്റെയും മരവിപ്പിന്റെയും ആയി മാറി. .
ചൊവ്വാഴ്ച TikTok ഉപയോക്താവ് Angela Chapa അപ്ലോഡ് ചെയ്ത ഒരു വൈറൽ വീഡിയോയിൽ, പാർക്കിലെ ഒരു പിക്നിക് ടേബിളിൽ ഒരു കരടി എഞ്ചിലാഡസ്, സൽസ, ടാക്കോസ്, ഫ്രഞ്ച് ഫ്രൈകൾ തുടങ്ങിയ ഭക്ഷണ സാധനകൾ ആർത്തിയോട് കഴിക്കുന്നത് കാണാം എന്നാൽ തൊട്ടരികിൽ ഒരു സ്ത്രീയും അവരുടെ മകനും ജീവൻ അടക്കിപ്പിടിച്ചു മരവിച്ചു ഇരിക്കുന്നതും കാണാം.
അമ്മയുടെ ഇടതുകൈ കുട്ടിയുടെ തോളിൽ ചുറ്റിയിരിക്കുന്നു, വലതു കൈകൊണ്ട് അവന്റെ കണ്ണുകൾ മൂടി ആ കുട്ടിയെ ‘അമ്മ അവനെ തന്നിലേക്ക് അടുപ്പിചിരിക്കുന്നു. കരടി കുട്ടിയുടെ നേരെ ചായുകയും അവന്റെ തലയിൽ ഏതാണ്ട് സ്പർശിക്കുകയും ചെയ്യാൻ ഇടക്ക് നോക്കുന്നുണ്ട് എങ്കിലും ഭാഗ്യത്തിന് അത് പിൻവാങ്ങുന്നു.
കരടി പിന്നീട് ടേബിളിലൂടെ മുന്നോട്ട് നീങ്ങുന്നു, മേശയുടെ മറ്റേ അറ്റത്ത് അനങ്ങാതെ ഇരിക്കുന്ന മറ്റൊരു പെൺകുട്ടിയെ സമീപിക്കുന്നു. കൂടുതൽ ഭക്ഷണമില്ലാത്തതിനാൽ കരടി മേശപ്പുറത്ത് നിന്ന് ചാടി പോകുന്നു.
ഈ വീഡിയോ 13 ദശലക്ഷത്തിലധികം കാഴ്ചകൾ നേടി, ക്ലിപ്പ് കാണുമ്പോൾ ശ്വാസം അടക്കിപ്പിടിച്ചതായി നിരവധി നെറ്റിസൺസ് പറഞ്ഞു.
പലരും സ്ത്രീയുടെ ധീരതയെ അഭിനന്ദിക്കുകയും ചെയ്തു. “തന്റെ കുഞ്ഞുങ്ങളെ സംരക്ഷിക്കുന്ന യഥാർത്ഥ കരടി ആ അമ്മയാണെന്ന് ഞാൻ കരുതുന്നു,” ഉപയോക്താവ് പറഞ്ഞു.
കരടികൾക്ക് വരെ മെക്സിക്കൻ ഭക്ഷണം ഇഷ്ടമാണെന്ന് മറ്റുള്ളവർ ട്രോൾ ഇറക്കുന്നു.
അസോസിയേറ്റഡ് പ്രസ് (എപി) പറയുന്നതനുസരിച്ച്, വീഡിയോയിലെ സ്ത്രീ സിൽവിയ മസിയയാണ്. ഡൗൺ സിൻഡ്രോം ബാധിച്ച തന്റെ മകൻ സാന്റിയാഗോയുടെ 15-ാം ജന്മദിനം ആഘോഷിക്കാൻ അവർ മോണ്ടെറി നഗരത്തിന്റെ പ്രാന്തപ്രദേശത്തുള്ള പാർക്കിലേക്ക് പോയതായിരുന്നു.
അവർ പറയുന്നത് ഇപ്രകാരം ആണ് : “സാന്റിയാഗോ മൃഗങ്ങളെയും പൂച്ചയെയോ നായയെയോ ഭയപ്പെടുന്നു, ഏതൊരു മൃഗവും അവനെ വളരെയധികം ഭയപ്പെടുത്തുന്നു.”
“അതുകൊണ്ടാണ് ഞാൻ അവന്റെ കണ്ണുകൾ മൂടിയത്, കാരണം അവൻ അത് കണ്ട് നിലവിളിക്കുകയോ ഓടുകയോ ചെയ്യരുതെന്ന് ഞാൻ ആഗ്രഹിച്ചു,” അവൾ കൂട്ടിച്ചേർത്തു.
കരടിയുമായി അടുത്തിടപഴകുമ്പോൾ ഒരിക്കലും ഓടരുതെന്ന് അറിയാവുന്ന അവളുടെ സുഹൃത്ത് മിസ് ആഞ്ചലയാണ് വീഡിയോ ചിത്രീകരിച്ചത്.
മോണ്ടെറി മെട്രോപൊളിറ്റൻ ഏരിയയിൽ കരടിയുടെ സാനിധ്യം വർധിച്ചുവരുന്നതായി പാർക്ക് മുന്നറിയിപ്പ് നൽകിയതായി ബിബിസി റിപ്പോർട്ട് ചെയ്യുന്നു. മലനിരകൾക്ക് സമീപമുള്ള പാർക്കുകളിലും പാർപ്പിട മേഖലകളിലും തെരുവുകളിലും അലഞ്ഞുതിരിയുന്നത് ഇവയുടെ ദൃശ്യങ്ങൾ കണ്ടിട്ടുണ്ട്.
ഇതാദ്യമായല്ല ഒരേ പാർക്കിലെ ഒരു കരടി ഇന്റർനെറ്റ് പ്രശസ്തി നേടുന്നത്.
2020-ൽ, ഒരു കറുത്ത കരടി സന്ദർശകന്റെ മുടി മണക്കുന്ന വീഡിയോയും വൈറലായിരുന്നു.
ആ കരടിയെ പിന്നീട് പിടികൂടി വധ്യം കരിച്ചിരുന്നു ഇത് , ചിലയിടങ്ങളിൽ മൃഗസ്നേഹികളുടെ രോഷം ആളിക്കത്തിചു . പാർക്ക് സന്ദർശകരും ഗൈഡുകളും കരടികളുടെ അടുത്ത് നിന്ന് ഫോട്ടോയെടുക്കാൻ ഭക്ഷണ അവശിഷ്ടങ്ങൾ നൽകിയില്ലെങ്കിൽ ഇത് ഒഴിവാക്കാനാകുമെന്ന് വിദഗ്ധർ പറഞ്ഞു. അല്ലെങ്കിൽ ചിലപ്പോൾ ജീവഹാനി വരെ ഉണ്ടാകാനുള്ള സാധ്യാത ഉണ്ടെന്നു പറയപ്പെടുന്നു
