ഹരിയാനയിലെ ഗുരുഗ്രാമിൽ ഓല ടാക്സിയിൽ യാത്ര ചെയ്തതിന്റെ ഭയാനകമായ അനുഭവം വിവരിച്ചു ഡൽഹിയിൽ നിന്നുള്ള ഒരു സ്ത്രീ . അവിടെ വച്ച് ജീവന് ഭീഷണിയായ ഒരു സാഹചര്യത്തിലാണ് താൻ എത്തിയതെന്ന് അവർ അവകാശപ്പെട്ടു. ഓല കമ്പനിയുടെ ഉത്തരവാദിത്തമില്ലായ്മയെ വിമർശിച്ചും കമ്പനിയുടെ SOS സവിശേഷതയുടെ പരാജയം എടുത്തുകാണിച്ചും ആ സ്ത്രീ സോഷ്യൽ നെറ്റ്വർക്കായ ലിങ്ക്ഡ്ഇനിൽ തന്റെ നിരാശ പ്രകടിപ്പിച്ചു. തനിക്ക് ഏറ്റവും ആവശ്യമുള്ളപ്പോൾ sos സംവിധാനം പ്രവർത്തിച്ചില്ലെന്ന് അവർ പറയുന്നു.
ഭയാനകമായ ഒരു യാത്ര
സ്ത്രീ പങ്ക് വച്ച കുറിപ്പ് പ്രകാരം ഈ ഭയാനകമായ സംഭവവം ആരംഭിക്കുന്നത് ഗുരുഗ്രമിലെ നാഷണൽ മീഡിയ സെന്ററിന് സമീപം ഉള്ള ടോൾ കടന്നതിനുശേഷം, ഡ്രൈവർ പെട്ടന്ന് ക്യാബിന്റെ വേഗത കുറച്ചപ്പോഴാണ് അപ്പോൾ പെട്ടന്ന് . മുന്നിലുള്ള രണ്ട് പുരുഷന്മാർ ഡ്രൈവറോട് വണ്ടി നിർത്താൻ സൂചന നൽകുന്നത് താൻ ശ്രദ്ധിച്ചു എന്ന് യുവതി പറയുന്നു.ഡ്രൈവർ അവരുടെ നിർദ്ദേശങ്ങൾ പാലിച്ചുകൊണ്ട് ക്യാബ് നിർത്തി.
താൻ പെട്ടന്ന് അയാളോട് എന്താണ് ചെയ്യുന്നത് എന്ന് ചോദിക്കുന്നുണ്ട് എന്നാൽ , പക്ഷേ അയാൾ നിശബ്ദനായി ഇരിക്കുക മാത്രമാണ് ചെയ്യുന്നത് . രണ്ട് പുരുഷന്മാർ കൂടി വാഹനത്തിനടുത്തെത്തിയപ്പോൾ സ്ഥിതി പെട്ടെന്ന് വഷളായി, ഡ്രൈവർ ഉൾപ്പെടെ ആകെ അഞ്ച് പേരായി. തൻറെ വായ്പാ കുടിശ്ശികയെക്കുറിച്ച് ഡ്രൈവർ പറഞ്ഞതായും അത് തന്റെ ഭയം വർദ്ധിപ്പിച്ചതായും സ്ത്രീ അവകാശപ്പെട്ടു.
രക്ഷപെടൽ
കാര്യങ്ങൾ വഷളാകുന്നതും തന്റെ സുരക്ഷിതത്വം അപകടത്തിൽ ആണെന്നും മനസിലായ സ്ത്രീ വേഗത്തിൽ പ്രവർത്തിക്കാൻ തീരുമാനിച്ചു . “സാഹചര്യം മോശമാണ് എന്ന് മനസിലാക്കിയ ഞാൻ വലതുവശത്തെ വാതിൽ തുറന്ന് ജീവനുവേണ്ടി ഓടി,” അവർ എഴുതി. “അത് വളരെ ആഘാതകരമായ ഒരു അനുഭവമായിരുന്നു, എനിക്ക് എത്രമാത്രം ഭയം തോന്നി എന്ന് പറഞ്ഞാലും എനിക്ക് അത് മതിയാകില്ല.” അവർ പറയുന്നു.
ഈ ഭയാനകമായ നിമിഷത്തിൽ ഓല ആപ്പിലെ എസ്ഒഎസ് ബട്ടൺ പ്രവർത്തിക്കാത്തതിൽ അവർ ഞെട്ടൽ പ്രകടിപ്പിച്ചു. “കാര്യങ്ങൾ കൂടുതൽ വഷളായപ്പോൾ , ഓല ആപ്പിലെ എസ്ഒഎസ് ബട്ടൺ ഉപയോഗിക്കാൻ ശ്രമിച്ചപ്പോൾ അത് പ്രവർത്തിച്ചില്ല,” അവർ തന്റെ പോസ്റ്റിൽ കൂട്ടിച്ചേർത്തു.
ഓലയുടെ പ്രതികരണം
സംഭവത്തിന് ശേഷം, സ്ത്രീ ഓലയുടെ ഉപഭോക്തൃ സേവനത്തിൽ പരാതി നൽകി. എന്നിരുന്നാലും, കമ്പനിയിൽ നിന്ന് 24 മണിക്കൂറിലധികം കഴിഞ്ഞിട്ടും ഒരു പ്രതികരണവും ലഭിച്ചിട്ടില്ലെന്ന് അവർ വെളിപ്പെടുത്തി. തന്റെ സുരക്ഷാ ആശങ്കകൾ പരിഹരിക്കുന്നതിൽ ഓലയുടെ നിഷേധാത്മക സമീപനത്തെ അവർ വിമർശിച്ചു.
“ഞാൻ ഓലയിൽ ഒരു പരാതി ഉന്നയിച്ചു, പക്ഷേ ഇപ്പോൾ 24 മണിക്കൂറിലധികം കഴിഞ്ഞു, എനിക്ക് ഒരു പ്രതികരണവും ലഭിച്ചിട്ടില്ല. ഓലയുടെ ടീമിൽ നിന്നുള്ള ഈ ഉത്തരവാദിത്തമില്ലായ്മ ഞെട്ടിക്കുന്നതും നിരാശാജനകവുമാണ്. യാത്രക്കാരുടെ സുരക്ഷ വെറുമൊരു സവിശേഷത മാത്രമല്ല – ഇത് ഒരു അടിസ്ഥാന ഉത്തരവാദിത്തമാണ്,” അവർ പറഞ്ഞു.
അടിയന്തര നടപടിക്കുള്ള ആഹ്വാനം
യാത്രക്കാരുടെ സുരക്ഷ ഉറപ്പാക്കാനും ഭാവിയിൽ ഇത്തരം സംഭവങ്ങൾ തടയാനും അടിയന്തര നടപടി സ്വീകരിക്കണമെന്ന് ഒലയുടെ സിഇഒ ഭവിഷ് അഗർവാളിനോട് സ്ത്രീ തന്റെ പോസ്റ്റിൽ ആവശ്യപ്പെട്ടു. യാത്രക്കാരുടെ സുരക്ഷയ്ക്കുള്ള ഉത്തരവാദിത്തം കമ്പനി ഗൗരവമായി എടുക്കണമെന്ന് അവർ ഊന്നിപ്പറഞ്ഞു.
