ഇന്ത്യൻ യുവതികളടക്കം ഉപയോഗിക്ക പ്രശസ്ത സോഷ്യൽ മീഡിയയിൽ വമ്പൻ ഹാക്കിങ് ; 600-ഓളം യുവതികളുടെ സ്വകാര്യ ചിത്രങ്ങൾ ചോർത്തി വിറ്റ യുവാവ് പിടിയിൽ

ഇന്നത്തെ കാലത്ത് സോഷ്യൽ മീഡിയ ഇല്ലാത്തവർ ചുരുക്കമാണ്. പ്രത്യേകിച്ച്, നിമിഷനേരങ്ങൾക്കുള്ളിൽ അപ്രത്യക്ഷമാകുന്ന ചിത്രങ്ങളും വീഡിയോകളും പങ്കുവെക്കാൻ യുവാക്കൾ കൂടുതലായി ആശ്രയിക്കുന്നത് സ്നാപ്പ്ചാറ്റിനെയാണ് (Snapchat). എന്നാൽ, നിങ്ങളുടെ ഏറ്റവും സ്വകാര്യമായ നിമിഷങ്ങൾ രഹസ്യമായി ഒരു ഹാക്കർ നിരീക്ഷിക്കുന്നുണ്ടെങ്കിലോ? അമേരിക്കയിലെ ഇല്ലിനോയിസിൽ (Illinois) നിന്നും ഇപ്പോൾ പുറത്തുവരുന്നത് ഏവരെയും ഞെട്ടിക്കുന്ന അത്തരമൊരു വാർത്തയാണ്.

600-ഓളം യുവതികളുടെ സ്നാപ്പ്ചാറ്റ് അക്കൗണ്ടുകൾ ഹാക്ക് ചെയ്ത്, അവരുടെ ന#ഗ്നചിത്രങ്ങൾ ചോർത്തുകയും അവ ഓൺലൈനിൽ വിൽക്കുകയും ചെയ്ത 26-കാരനായ കൈൽ സ്വാര (Kyle Svara) എന്ന യുവാവാണ് ഇപ്പോൾ ഫെഡറൽ പ്രോസിക്യൂട്ടർമാരുടെ പിടിയിലായിരിക്കുന്നത്.

തട്ടിപ്പ് നടത്തിയത് വളരെ ലളിതമായി

ഹാക്കിംഗ് എന്ന് കേൾക്കുമ്പോൾ വലിയ സോഫ്റ്റ്‌വെയറുകൾ ഉപയോഗിച്ചുള്ള സങ്കീർണ്ണമായ സാങ്കേതികവിദ്യയാണെന്ന് കരുതാൻ വരട്ടെ. വളരെ ലളിതമായ ഒരു ‘ഫിഷിംഗ്’ (Phishing) തട്ടിപ്പിലൂടെയാണ് ഇയാൾ ഇരകളെ വലയിലാക്കിയത്.

• ആദ്യം യുവതികളുടെ ഇമെയിൽ, ഫോൺ നമ്പർ, യൂസർനെയിം എന്നിവ ഇയാൾ വിദഗ്ദ്ധമായി ശേഖരിക്കും.

• തുടർന്ന് ഇവരുടെ അക്കൗണ്ടിലേക്ക് ലോഗിൻ ചെയ്യാൻ ശ്രമിക്കുമ്പോൾ, യഥാർത്ഥ ഉടമയുടെ ഫോണിലേക്ക് ഒരു സെക്യൂരിറ്റി കോഡ് (OTP) വരും.

• ഉടൻ തന്നെ ഒരു വ്യാജ നമ്പറിൽ നിന്ന്, താൻ സ്നാപ്പ്ചാറ്റ് കമ്പനിയുടെ പ്രതിനിധിയാണെന്നും അക്കൗണ്ടിൽ സംശയാസ്പദമായ പ്രവർത്തനങ്ങൾ നടക്കുന്നതിനാൽ അത് സുരക്ഷിതമാക്കാൻ ആ കോഡ് നൽകണമെന്നും ആവശ്യപ്പെട്ട് ഇയാൾ ഇരകൾക്ക് മെസ്സേജ് അയക്കും.

• ഭയന്നുപോകുന്ന യുവതികൾ സുരക്ഷാ കോഡ് നൽകുന്നതോടെ അക്കൗണ്ടിന്റെ പൂർണ്ണ നിയന്ത്രണം കൈലിന്റെ കൈകളിലാകും.

ഏകദേശം 570 യുവതികളെയാണ് ഇയാൾ ലക്ഷ്യമിട്ടത്. ഇതിൽ 59 പേരുടെ അക്കൗണ്ടുകൾ പൂർണ്ണമായും ഹാക്ക് ചെയ്യാൻ ഇയാൾക്ക് കഴിഞ്ഞു. ഈ അക്കൗണ്ടുകളിൽ നിന്നും യുവതികളുടെ ന#ഗ്ന, അർദ്ധ#ന#ഗ്ന ചിത്രങ്ങൾ ഡൗൺലോഡ് ചെയ്ത് ഡാർക്ക് വെബ്ബിലും മറ്റ് ഓൺലൈൻ ഫോറങ്ങളിലും വിൽക്കുകയായിരുന്നു ഇയാളുടെ രീതി. കമ്പ്യൂട്ടർ തട്ടിപ്പ്, വ്യക്തിത്വ മോഷണം (Identity theft), ഗൂഢാലോചന, കൂടാതെ ചൈൽഡ് പോ#ണോ#ഗ്രാഫിയുമായി ബന്ധപ്പെട്ട കുറ്റങ്ങൾ എന്നിവയാണ് ഇയാൾക്കെതിരെ ചുമത്തിയിരിക്കുന്നത്.

കുപ്രസിദ്ധനായ കായിക പരിശീലകനും തട്ടിപ്പിൽ

ഈ കേസിന്റെ അന്വേഷണം ഉദ്യോഗസ്ഥരെ കൊണ്ടെത്തിച്ചത് അമേരിക്കയെ ഞെട്ടിച്ച മറ്റൊരു പ്രമാദമായ കേസിലേക്കാണ്. മുൻ അത്‌ലറ്റിക് കോച്ചായിരുന്ന സ്റ്റീവ് വെയ്ത്ത് (Steve Waithe) എന്നയാൾക്ക് വേണ്ടിയും നിർദ്ദിഷ്ട യുവതികളുടെ ചിത്രങ്ങൾ കൈൽ ചോർത്തി നൽകിയിരുന്നുവെന്ന് അന്വേഷണത്തിൽ തെളിഞ്ഞു.

തനിക്ക് വ്യക്തിപരമായി അറിയാവുന്ന നിരവധി കായികതാരങ്ങളെയും വിദ്യാർത്ഥിനികളെയും ചൂഷണം ചെയ്ത കുറ്റത്തിന് 2024 മാർച്ചിൽ സ്റ്റീവ് വെയ്ത്തിന് കോടതി അഞ്ച് വർഷത്തെ തടവുശിക്ഷ വിധിച്ചിരുന്നു. നോർത്ത് ഈസ്റ്റേൺ യൂണിവേഴ്സിറ്റി, പെൻ സ്റ്റേറ്റ് യൂണിവേഴ്സിറ്റി തുടങ്ങി നിരവധി പ്രമുഖ സ്ഥാപനങ്ങളിൽ ഇയാൾ പരിശീലകനായിരുന്നു.

സ്റ്റീവ് വെയ്ത്തിന്റെ തട്ടിപ്പ് രീതി:

ഒരു വ്യാജ ‘ബോഡി ഡെവലപ്മെന്റ്’ (Body development) പഠനത്തിന്റെ പേരിലായിരുന്നു സ്റ്റീവ് കായികതാരങ്ങളിൽ നിന്നും ന#ഗ്ന#ചിത്രങ്ങൾ ശേഖരിച്ചിരുന്നത്. ആരോഗ്യ വിവരങ്ങളുടെ സ്വകാര്യത ഉറപ്പുനൽകുന്ന അമേരിക്കയിലെ ‘HIPAA’ നിയമത്തിന്റെ പരിരക്ഷ ഈ പഠനത്തിനുണ്ടെന്ന് വിശ്വസിപ്പിച്ചായിരുന്നു ഇയാളുടെ കൊടുംചതി. ബാല്യകാല സുഹൃത്തുക്കളും, താൻ പരിശീലിപ്പിച്ച കായികതാരങ്ങളുമെല്ലാം ഇയാളുടെ ഇരകളായി മാറി. 2021 ഏപ്രിലിൽ അറസ്റ്റിലായ ഇയാൾക്ക് ഫെഡറൽ കോടതിയാണ് അഞ്ച് വർഷത്തെ ശിക്ഷ വിധിച്ചത്. ഈ സംഭവങ്ങൾ ഇരകളിലുണ്ടാക്കിയ മാനസികാഘാതം വളരെ വലുതാണെന്ന് കോടതി ചൂണ്ടിക്കാട്ടിയിരുന്നു.

നമ്മൾ ശ്രദ്ധിക്കേണ്ട കാര്യങ്ങൾ

ഇത്തരം സൈബർ തട്ടിപ്പുകൾ ആഗോളതലത്തിൽ തന്നെ വ്യാപകമാകുകയാണ്. നിങ്ങളുടെ സ്വകാര്യത സംരക്ഷിക്കാൻ ഈ കാര്യങ്ങൾ എപ്പോഴും ഓർക്കുക:

1. OTP പങ്കുവെക്കാതിരിക്കുക: സ്നാപ്പ്ചാറ്റ് ഉൾപ്പെടെ ഒരു സോഷ്യൽ മീഡിയ പ്ലാറ്റ്‌ഫോമും നിങ്ങളോട് പാസ്‌വേഡോ സുരക്ഷാ കോഡോ (OTP) നേരിട്ട് ചോദിക്കില്ല.

2. ടൂ-ഫാക്ടർ ഓതന്റിക്കേഷൻ (2FA): എല്ലാ അക്കൗണ്ടുകൾക്കും 2FA നിർബന്ധമായും ഓൺ ആക്കി വെക്കുക.

3. വ്യാജ മെസ്സേജുകൾ: ഔദ്യോഗികമല്ലാത്ത നമ്പറുകളിൽ നിന്നോ അക്കൗണ്ടുകളിൽ നിന്നോ വരുന്ന ലിങ്കുകളിൽ ഒരിക്കലും ക്ലിക്ക് ചെയ്യരുത്.

സ്വകാര്യ ചിത്രങ്ങൾ ഡിജിറ്റൽ ലോകത്ത് പങ്കുവെക്കുമ്പോൾ അത് എന്നെന്നേക്കുമായി അവിടെ തുടരുമെന്ന ബോധ്യം എപ്പോഴും ഉണ്ടായിരിക്കണം.