ഗൂഗിളിന്റെ മാതൃ കമ്പനിയായ ആൽഫബെറ്റ് ന്റെ സിഇഒ സുന്ദർ പിച്ചൈ ലോകമെമ്പാടുമുള്ള സാങ്കേതിക മേഖലയിലെ ഏറ്റവും ജനപ്രിയമായ പേരുകളിൽ ഒരാളാണ്. 2022-ൽ 22.6 കോടി യുഎസ് ഡോളർ ലഭിച്ചതിനാൽ ലോകത്തിലെ ഏറ്റവും ഉയർന്ന ശമ്പളമുള്ള ടെക് എക്സിക്യൂട്ടീവാണ് സുന്ദർ പിച്ചൈ. അതായത് ഏകദേശം 1854 കോടി രൂപ (പ്രതിദിനം 5 കോടിയിലധികം).
സുന്ദർ പിച്ചൈയുടെ പണമിടപാടിന്റെ വലിയൊരു ഭാഗം ഓഹരികളിൽ നിന്നുള്ള വരുമാനത്തിന്റെ ഭാഗമാണെന്നത് ശ്രദ്ധിക്കേണ്ടതാണ്. 1788 കോടി രൂപയാണ് പിച്ചൈയുടെ ഓഹരികൾ. ഐഐടി ഖരഗ്പൂരിൽ നിന്ന് കെമിക്കൽ എൻജിനീയറിങ് പഠിച്ച സുന്ദര് പിച്ചൈ 2019ലാണ് ഗൂഗിളിന്റെ സിഇഒ ആയി നിയമിതനായത്.
1972 ജൂൺ 10ന് തമിഴ്‌നാട്ടിലെ മധുരയിൽ ജനിച്ച സുന്ദർ പിച്ചൈ വളർന്നത് ചെന്നൈയിലാണ്. ഐഐടിയിൽ നിന്ന് ബിടെക് പൂർത്തിയാക്കിയ ശേഷം പിച്ചൈ ഉപരിപഠനത്തിനായി സ്റ്റാൻഫോർഡ് സർവകലാശാലയിലേക്ക് പോയി. അമേരിക്കയിലെ വാർട്ടൺ സ്‌കൂളിൽ നിന്ന് എംബിഎ ബിരുദം നേടിയ അദ്ദേഹം 2004-ൽ ഗൂഗിളിൽ ചേർന്നു. എന്നാൽ പിച്ചൈയുടെ വിജയത്തിൽ ഭാര്യ അഞ്ജലി പിച്ചൈ ഒരു പ്രധാന പങ്ക് വഹിച്ചിട്ടുണ്ടെന്ന് പലർക്കും അറിയില്ല.അതെന്താണെന്നല്ലേ ? അറിയാൻ തുടർന്ന് വായിക്കാം.
ഖരഗ്പൂർ ഐഐടിയിൽ വച്ചാണ് അഞ്ജലി പിച്ചൈയും സുന്ദർ പിച്ചൈയും ആദ്യമായി കണ്ടുമുട്ടിയതും പിന്നീട് വിവാഹിതരായതും. റിപ്പോർട്ടുകൾ പ്രകാരം, ഗൂഗിൾ സി ഇ ഓ ആകുന്നതിനു കുറെ നാളുകൾക്ക് മുൻപ് മൈക്രോസോഫ്റ്റിൽ മിൿച ഓഫ്ഫർ വന്നപ്പോൾ അവിടേക്ക് പോകാൻ വേണ്ടി ഗൂഗിളിലെ ജോലി ഉപേക്ഷിക്കാൻ സുന്ദർ പിച്ചൈ ചിന്തിച്ചിരുന്നെങ്കിലും ഗൂഗിളിൽ തുടരാൻ അഞ്ജലി അദ്ദേഹത്തെ ഉപദേശിച്ചു.
ഒരു കാരണവശാലും ഗൂഗിൾ വിടരുത് എന്നാണ് അന്ന് അഞ്ജലി പറഞ്ഞത്. ആ ഉപദേശം അംഗീകരിച്ച സുന്ദർ പിച്ചൈ യുടെ ജീവിതം പിന്നെ മാറിയത് നാമെല്ലാവരുംകണ്ടെതാണ്. അങ്ങനെ ലോകത്തെ ഏറ്റവും വലിയ കമ്പനിയുടെ തലപ്പത്തു എത്തി. അതിനു കാരണമായത് അഞ്ജലിയുടെ ദീർഘ വീക്ഷണം ആണ്.
അഞ്ജലി പിച്ചൈ Intuit എന്ന സോഫ്റ്റ്‌വെയർ കമ്പനിയിൽ ബിസിനസ് ഓപ്പറേഷൻ മാനേജരായി ജോലി ചെയ്യുന്നു. രാജസ്ഥാനിലെ കോട്ട സ്വദേശിയാണ് അഞ്ജലി. ഖരഗ്പൂരിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജിയിൽ നിന്നാണ് അവർ എഞ്ചിനീയറിംഗ് പൂർത്തിയാക്കിയത്. അവൾ കെമിക്കൽ എഞ്ചിനീയറിംഗ് ആണ് പൂർത്തിയാക്കിയത് . അവളുടെ അച്ഛൻ കോട്ട ഗവൺമെന്റ് പോളിടെക്‌നിക് കോളേജിലെ ജീവനക്കാരനായിരുന്നു.
1993-ൽ അഞ്ജലി എഞ്ചിനീയറിംഗ് പൂർത്തിയാക്കി. കോളേജിൽ വെച്ച് തന്നെ അഞ്ജലിയും സുന്ദർ പിച്ചൈയും വിവാഹ നിശ്ചയം നടത്തി. സുന്ദര് പിച്ചൈ പിന്നീട് സ്റ്റാൻഫോർഡ് സർവകലാശാലയിൽ പഠിക്കാൻ അമേരിക്കയിലേക്ക് പോയി. പിന്നീട് ഇവർ തമ്മിൽ ദീർഘദൂര ബന്ധത്തിലായി. 1999 മുതൽ 2002 വരെ അഞ്ജലി ആക്‌സെഞ്ചറിൽ ആയിരുന്നു ജോലി ചെയ്തത്. ഇവർക്ക് രണ്ടു മക്കളാണ്.
