സൂപ്പർസ്റ്റാർ രജനികാന്ത് തൻ്റെ ഏറെ പ്രതീക്ഷയോടെ കാത്തിരിക്കുന്ന ചിത്രം ‘വേട്ടയാൻ’ ഒക്ടോബർ 10 ന് റിലീസിന് ഒരുങ്ങുകയാണ്, അമിതാഭ് ബച്ചൻ, മഞ്ജു വാര്യർ, ഫഹദ് ഫാസിൽ, റാണാ ദഗ്ഗുബട്ടി എന്നിവരുൾപ്പെടെ ഒരു കൂട്ടം അഭിനേതാക്കളാണ് ചിത്രത്തിൽ അണിനിരക്കുന്നത്. സിനിമാലോകത്തെ ഏറ്റവും ആദരണീയനായ താരങ്ങളിൽ ഒരാളാണ് അദ്ദേഹം എന്നത് തർക്കമില്ലാത്ത കാര്യമാണ്, എന്നാൽ ഒരു നിർമ്മാതാവിൽ നിന്ന് സൂപ്പർസ്റ്റാർ ക്രൂരമായ അപമാനം നേരിട്ട ഒരു കാലഘട്ടമുണ്ടായിരുന്നു, അത് അദ്ദേഹത്തിൻ്റെ വാശി കൂട്ടുകയും കഠിനാധ്വാനം ചെയ്തു ഇന്ന് ഈ കാണുന്ന നിലയിലേക്ക് എത്തിക്കുകയും ചെയ്തു എന്ന് അദ്ദേഹം പറയുന്നു.
2020 ജനുവരിയിൽ ‘ദർബാർ’ സിനിമയുടെ ഓഡിയോ ലോഞ്ചിനിടെ രജനികാന്ത് ഈ സംഭവത്തെക്കുറിച്ച് തുറന്നുപറഞ്ഞു. ആത്യന്തികമായി ഒരു സൂപ്പർസ്റ്റാർ എന്ന നിലയിൽ തൻ്റെ ഉയർച്ചയ്ക്ക് കാരണമായ ഈ വേദനാജനകമായ അപമാനത്തെക്കുറിച്ച് അദ്ദേഹം മനസ്സ് തുറന്നു . ഒരു ചിത്രത്തിൽ ഒരു പോസ്റ്റിയവെ ആയ ക്യാരക്റ്റർ അഭിനയിക്കുന്നതിനായി എത്തുമ്പോൾ ഉണ്ടായ മോശം അനുഭവത്തെ കുറിച്ച് 1970 കളിലെ തൻ്റെ ആദ്യ നാളുകൾ അദ്ദേഹം അനുസ്മരിച്ചു. ആ സിനിമയിൽ 6000 രൂപയായി നിശ്ചയിച്ചിരുന്ന തൻ്റെ പ്രതിഫലം സംബന്ധിച്ച് മുൻകൂർ കരാർ ഉണ്ടാക്കിയിരുന്നതായി അദ്ദേഹം കുറിച്ചു.
തൻ്റെ റോൾ ഉറപ്പിക്കാൻ വേണ്ടി നിർമ്മാതാവിനോട് ടോക്കൺ അഡ്വാൻസ് ആവശ്യപ്പെട്ടെങ്കിലും നിർഭാഗ്യവശാൽ, ഷൂട്ടിംഗ് ദിവസം പോലും പണം നൽകിയില്ലെന്ന് രജനികാന്ത് വെളിപ്പെടുത്തി. ഇത് വകവയ്ക്കാതെ അദ്ദേഹം നിർമ്മാതാവിനെ വിളിച്ചു, പണം നൽകാമെന്ന് നിർമ്മാതാവ് വാഗ്ദാനം ചെയ്തു. എന്നാൽ, അഡ്വാൻസ് വാങ്ങാതെ മേക്കപ്പിന് പോകാൻ ആവശ്യപ്പെട്ടപ്പോൾ, പ്രതിഫലം ലഭിക്കുന്നതുവരെ മുന്നോട്ട് പോകാൻ രജനികാന്ത് തയ്യാറായില്ല.
“ഹീറോ വന്നെന്ന് പ്രൊഡക്ഷൻ മാനേജർ എന്നോട് പറഞ്ഞു, മേക്കപ്പിന് ഇരിക്കാൻ പറഞ്ഞു. ഞാൻ നിരസിച്ചു. 1000 രൂപ കിട്ടാതെ മേക്കപ്പ് നു പോകില്ലെന്ന് ഞാൻ അവനോട് പറഞ്ഞു. അദ്ദേഹം വിവരിക്കാൻ തുടങ്ങി.
അന്ന് നിർമ്മാതാവ് തന്നെ അപമാനിച്ചതായി രജനീകാന്ത് പരാമർശിച്ചു: “അദ്ദേഹം രോഷാകുലനായിരുന്നു. അദ്ദേഹം എന്നോട് ചോദിച്ചു, ‘നീ ആരാ വലിയ കലാകാരനാണോ അതോ എന്താണ്? കുറച്ച് സിനിമകൾ ചെയ്തതുകൊണ്ട് അഡ്വാൻസ് വാങ്ങാതെ മേക്കപ്പിന് ഇരിക്കില്ലേ? നിനക്കായി ഇവിടെ ഒരു കഥാപാത്രവുമില്ല. ഇറങ്ങി പോടാ വെളിയിൽ എന്ന് അയാൾ ആക്രോശിച്ചു.'”
ആ സംഭവത്തിന് ശേഷം, സ്റ്റുഡിയോയിൽ നിന്ന് വെളിയിലേക്ക് വന്നപ്പോൾ തിരികെ പോകാൻ നിർമ്മാതാവിൻ്റെ കാർ ഉപയോഗിക്കാൻ അനുവദിച്ചില്ല അന്ന് തനിക്ക് വീട്ടിലേക്ക് നടക്കേണ്ടി വന്നു. തൻ്റെ നടത്തത്തിനിടയിൽ, ആളുകൾ തന്നെ തിരിച്ചറിഞ്ഞുവെന്ന് അദ്ദേഹം മനസ്സിലാക്കി, തൻ്റെ സമീപകാല സിനിമയിലെ വരികൾ വിളിച്ചുപറയാൻ തുടങ്ങി. തുടക്കത്തിൽ, അവർ തന്നെ പരിഹസിക്കുകയാണെന്ന് അദ്ദേഹം കരുതി, എന്നാൽ അത് അങ്ങനെ അല്ല എന്ന് പിന്നെ മനസിലാക്കി. ഒരു വിദേശ കാറിൽ കയറാതെ ഇനി എ വി എം സ്റ്റുഡിയോയിലേക്ക് ഒരിക്കലും മടങ്ങിവരില്ലെന്ന് സ്വയം പ്രതിജ്ഞ ചെയ്യാൻ ഈ അനുഭവം അവനെ പ്രേരിപ്പിച്ചു. വിദേശ കാറിൽ എവിഎം സ്റ്റുഡിയോയിൽ തിരിച്ചെത്തിയില്ലെങ്കിൽ ഞാൻ രജനികാന്ത് അല്ലെന്ന് ആ നിമിഷം മനസ്സിൽ ഉറപ്പിച്ചു..
കഠിനാധ്വാനത്തിലൂടെ ഒരു വിദേശ കാർ സ്വന്തമാക്കുക, ഒടുവിൽ ഒരു ഇറ്റാലിയൻ ഫിയറ്റ് വാങ്ങുക എന്ന തൻ്റെ സ്വപ്നം എങ്ങനെ നേടിയെന്ന് പങ്കുവെച്ചാണ് രജനികാന്ത് അവസാനിപ്പിച്ചത്. രജനി കാന്ത് ആദ്യം വാങ്ങിച്ചത്പ്രീമിയർ പദ്മിനി എന്ന നാല് പേർക്ക് യാത്ര ചെയ്യാൻ കഴിയുന്ന ഒരു സെഡാൻ കാറായിരുന്നു. ഇത് 1964 മുതൽ 2001 വരെ ഇന്ത്യയിൽ പ്രീമിയർ ഓട്ടോമൊബൈൽസ് ലിമിറ്റഡ് എന്ന കമ്പനിയാണ് നിർമ്മിച്ചത്. വാൽചന്ദ് ഗ്രൂപ്പിന്റെ ഒരു വിഭാഗമായിരുന്ന ഇവർ ഫിയാറ്റിൽ നിന്ന് ലൈസൻസ് നേടിയാണ് ഈ വാഹനം നിർമ്മിച്ചിരുന്നത്. തുടക്കത്തിൽ ‘ഫിയറ്റ് 1100 ഡിലൈറ്റ്’ എന്ന പേരിലാണ് ഇത് വിപണിയിലെത്തിച്ചിരുന്നത്. പിന്നീട് 1974 മുതൽ ഇത് പ്രീമിയർ പദ്മിനി എന്നറിയപ്പെട്ടു.
പിന്നീട് ഒരു ഡ്രൈവറെ നിയമിക്കുകയും ഒരിക്കൽ അപമാനം നേരിട്ട സ്റ്റുഡിയോയിലേക്ക് മടങ്ങുകയും ചെയ്തു, സ്വയം വാഗ്ദാനം നിറവേറ്റി. അന്ന് സിനിമ സ്റ്റൈലിൽ തന്നെ എവിഎം സ്റ്റുഡിയോയിൽ താൻ എത്തിയതും കാറിൽ ഇരുന്ന് രണ്ട് സിഗരറ്റ് വലിച്ചതും രജനി ഓർത്തു പറഞ്ഞു അന്ന് അവിടെ ആ കാര് വന്നു നിന്നപ്പോൾ ഗവർണർ എത്തിയെന്ന് പലരും തെറ്റിദ്ധരിക്കാൻ ഇടയാക്കിയതും രജനികാന്ത് തൻ്റെ വിജയത്തിൽ അഭിമാനം പ്രകടിപ്പിച്ചുകൊണ്ട് പറഞ്ഞു.
