താല്പര്യമില്ലാതെ ഒരു വ്യക്തിയുടെ ശരീരത്തിൽ തൊടുന്നതുപോലും ശരിയല്ല എന്നിരിക്കെ ബലാൽക്കാരം ഒരു സ്ത്രീയെ കീഴടക്കി തങ്ങളുടെ ലൈംഗിക തൃഷ്ണകൾ ശമിപ്പിക്കുന്ന വെറുക്കപ്പെട്ട ഒരു വിഭാഗം മനുഷ്യർ ആണ് ഇന്ന് നമ്മുടെ കുറ്റകൃത്യങ്ങളിൾ ഒന്ന്. എന്നാൽ വിവാഹിതയായാൽ ആ സ്ത്രീയിൽ ഭർത്താവിന് പൂർണമായ അധികാരമാണ് അവൾ തന്റെ അടിമയാണ് എന്നുള്ള രീതിയിലാണ് മിക്ക ഭർത്താക്കന്മാരുടെയും പെരുമാറ്റം . അത് നമ്മുടെ സമൂഹത്തിൽ ഏറി വരുന്നുണ്ട്. ഒരു സ്ത്രീയുടെ മാനസിക വ്യാപാരങ്ങളെ പോലും മനസിലാക്കാതെ തന്റെ ആശകൾ തീർക്കാൻ പുരുഷൻ പലപ്പോഴും ഭാര്യ എന്ന പേരിനെ വെറും അടിമ എന്ന രീതിയിൽ വ്യാഖ്യാനിച്ചെടുത്തു തന്റെ ലൈംഗിക താല്പര്യങ്ങൾ വളരെ ബലാൽക്കാരം ചെയ്യുന്നത് പല ടുംബങ്ങളിലും സാധാരണമാണ്. എന്നാൽ അതും റേപ്പ് തന്നെയാണ് എന്ന് ഇപ്പോഴും സമൂഹത്തിനു അംഗീകരിക്കാനുള്ള അറിവുണ്ടായിട്ടില്ല എന്നത് വല്ലാത്ത കഷ്ടമാണ്.
തന്റെ ഏറ്റവും പുതിയ ഒടിടി വെബ് സീരീസ് ആയ സുൽത്താൻ ഓഫ് ഡൽഹി യിൽ അത്തരത്തിലെ ബലാൽക്കാരമുള്ള മാരിറ്റൽ റേപ്പ് നെ പല മാധ്യമങ്ങളും വെറും സെക്സ് സീൻ എന്ന നിലയിൽ ലേബൽ ചെയ്തതിനെ രൂക്ഷമായി രംഗത്തെത്തിയിരിക്കുകയാണ് പ്രമുഖ നടി മെഹ്‌റീൻ പിർസാദ. തന്റെ ട്വിറ്റര് അക്കൗണ്ടിലൂടെ ഇതിനെതിരെ രൂക്ഷ വിമർശനം ആണ് നടി നടത്തിയിട്ടുള്ളത്.
നടിയുടെ കുറിപ്പ് വായിക്കാം :
“അടുത്തിടെ ഡിസ്നി ഹോട്ട്‌സ്റ്റാറിലെ “സുൽത്താൻ ഓഫ് ഡൽഹി” എന്ന വെബ് സീരീസിൽ ഞാൻ OTT അരങ്ങേറ്റം നടത്തി. എന്റെ ആരാധകർ സീരീസ് കണ്ട് ആസ്വദിച്ചുവെന്ന് ഞാൻ പ്രതീക്ഷിക്കുന്നു. ചിലപ്പോൾ സ്ക്രിപ്റ്റുകൾ നിങ്ങളുടെ സ്വന്തം ധാർമ്മികതയ്ക്ക് എതിരായേക്കാവുന്ന ചില പ്രവർത്തനങ്ങൾ ആവശ്യപ്പെടുന്നു. അഭിനയം ഒരു കലയായും അതേ സമയം ജോലിയായും കരുതുന്ന ഒരു പ്രൊഫഷണൽ നടി എന്ന നിലയിൽ, കഥയുടെ ആഖ്യാനത്തിന്റെ ഭാഗമാണെങ്കിൽ കൂടി രസകരമല്ലാത്ത ചില രംഗങ്ങൾ ചെയ്യേണ്ടിവരും.
ഡൽഹി സുൽത്താനിൽ ക്രൂരമായ വൈവാഹിക ബലാത്സംഗം ചിത്രീകരിക്കുന്ന ഒരു രംഗമുണ്ടായിരുന്നു. മാരിറ്റൽ റേപ്പ് അഥവാ വൈവാഹിക ബലാത്സംഗം പോലെയുള്ള ഗുരുതരമായ ഒരു വിഷയത്തെ മാധ്യമങ്ങളിൽ പലരും “സെക്സ് സീൻ” എന്ന് വിശേഷിപ്പിച്ചത് എന്നെ വേദനിപ്പിക്കുന്നു. ലോകമെമ്പാടുമുള്ള പല സ്ത്രീകളും നിലവിൽ കൈകാര്യം ചെയ്യുന്ന ഗുരുതരമായ ഒരു പ്രശ്നത്തെ ഇത് നിസ്സാരമാക്കിക്കാണിക്കും .
ഒരു പ്രത്യേക വിഭാഗം മാധ്യമങ്ങളും സോഷ്യൽ മീഡിയയിലെ ആളുകളും ഇതേ രീതി തന്നെ പിന്തുടർന്നത് എന്നെ അസ്വസ്ഥനാക്കുന്നു, അവർക്കും സഹോദരിമാരും പെൺമക്കളും ഉണ്ടെന്ന് ഈ ആളുകൾ മനസ്സിലാക്കണം. അവരുടെ സ്വന്തം ജീവിതത്തിൽ ഇത്തരമൊരു ആഘാതത്തിലൂടെ ഒരിക്കലും കടന്നുപോകരുതെന്ന് ഞാൻ ദൈവത്തോട് പ്രാർത്ഥിക്കുന്നു. സ്ത്രീകൾക്കെതിരായ ഇത്തരം ക്രൂരതയെയും അക്രമത്തെയും കുറിച്ചുള്ള ചിന്ത വെറുപ്പുളവാക്കുന്നതാണ്.
ഒരു നടി എന്ന നിലയിൽ ഈ കഥാപാത്രത്തോട് നീതി പുലർത്തേണ്ടത് എന്റെ ജോലിയാണ്, കൂടാതെ മിലൻ ലുത്രിയ സാർ സംവിധാനം ചെയ്ത സുൽത്താൻ ഓഫ് ഡൽഹിയുടെ ടീം വളരെ ബുദ്ധിമുട്ടുള്ള ചില രംഗങ്ങളുടെ ഷൂട്ടിംഗിനിടെ അഭിനേതാക്കളായ ഞങ്ങൾക്ക് ഒരു ഘട്ടത്തിലും അസ്വസ്ഥതയോ ഞങ്ങളുടെ സ്വോകാര്യ രംഗങ്ങളോ ഒന്നും വെളിവാക്കപ്പെടുന്നില്ല എന്ന് ഉറപ്പാക്കുന്നതിൽ അങ്ങേയറ്റം പ്രൊഫഷണലായിരുന്നു.
മഹാലക്ഷ്മിയോ സഞ്ജനയോ ഹണിയോ ആകട്ടെ, ഒരു കലാകാരിയെന്ന നിലയിൽ എന്റെ പ്രേക്ഷകർക്കായി എന്റെ എല്ലാ വേഷങ്ങളും നന്നായി ചെയ്തുവെന്ന് ഞാൻ പ്രതീക്ഷിക്കുന്നു.
https://twitter.com/Mehreenpirzada/status/1714159055282032675
നിങ്ങൾക്കെല്ലാവർക്കും സമാധാനവും സ്നേഹവും ഉണ്ടാകട്ടെ.” നടി തൻ്റെ ട്വിറ്ററിൽ കുറിച്ചു.
