ഉത്തർപ്രദേശിലെ ഗ്രേറ്റർ നോയിഡയിൽ നിന്നുള്ള 15 വയസുകാരൻ ഏറ്റവും നീളമുള്ള മുടിയുള്ള ടീനേജർ എന്ന ഗിന്നസ് വേൾഡ് റെക്കോഡ് സ്വന്തമാക്കി. സിദക്ദീപ് സിംഗ് ചാഹലിന്റെ ഒരു വീഡിയോ ഗിന്നസ് വേൾഡ് റെക്കോർഡ്സ് (GWR) YouTube-ൽ പങ്ക് വച്ചിരുന്നു . കുട്ടിക്കാലത്ത് തന്റെ നീളമുള്ള മുടിയിൽ താൻ അതൃപ്തനായിരുന്നുവെന്നും അതിൽ നിന്ന് രക്ഷപ്പെടാൻ മാതാപിതാക്കളോട് യാചിച്ചുവെന്നും ക്ലിപ്പിൽ ചാഹൽ വിശദീകരിക്കുന്നു. എന്നിരുന്നാലും, അവൻ വളർന്നപ്പോൾ, മുടി പരിപാലിക്കാൻ തുടങ്ങി, അത് താൻ ആരാണെന്നതിന്റെ ഒരു ഭാഗമാണെന്ന് താൻ മനസ്സിലാക്കിയാതായി ചാഹൽ പറയുന്നു.
സിഖ് മതം പിന്തുടരുന്ന ചാഹൽ തന്റെ മതവിശ്വാസങ്ങളെ മാനിക്കാൻ ഒരിക്കലും മുടി മുറിച്ചിട്ടില്ല. നിലവിൽ, അവന്റെ മുടി 146 സെന്റീമീറ്റർ (4 അടി 9.5 ഇഞ്ച്) വരെ വളർന്നിരിക്കുന്നു.
അവൻ എങ്ങനെയാണ് തന്റെ നീണ്ട മുടി പരിപാലിക്കുന്നത്?
വീഡിയോയിൽ ചാഹൽ തന്റെ മുടി സംരക്ഷണ ദിനചര്യയെക്കുറിച്ചും സംസാരിച്ചു. മുടി കഴുകാനും ചീകാനും അമ്മ സഹായിക്കുന്നതെങ്ങനെയെന്ന് അവൻ വിഡിയോയിൽ പറയുന്നുണ്ട് . “അമ്മയുടെ സഹായമില്ലായിരുന്നെങ്കിൽ ഒരു ദിവസം മുഴുവൻ വേണ്ടിവരും തന്റെമുടി പരിപാലിക്കാൻ ,” അവൻ പറയുന്നു.
കഴുകുകയോ ഉണക്കുകയോ ചെയ്യാത്തപ്പോൾ, ചാഹൽ സാധാരണയായി തന്റെ തലമുടി ഒരു ബണ്ണുകൊണ്ടു കെട്ടുകയും തലയിൽ ദസ്തർ (തലപ്പാവ്) കൊണ്ട് മൂടുകയും ചെയ്യുന്നു – സിഖ് മതത്തിന്റെ അനുയായികൾക്കിടയിലുള്ള ഒരു ആചാരം ആണ് ഇത് .
ചാഹലിന്റെ നീണ്ട മുടി കാണിച്ച് തന്റെ റെക്കോർഡിനെക്കുറിച്ച് വിശദീകരിക്കുന്ന വീഡിയോ ഇതാ:
തന്റെ റെക്കോർഡിനെക്കുറിച്ച് ആദ്യം പറഞ്ഞപ്പോൾ ആളുകൾ ഞെട്ടിയെന്ന് ചാഹൽ പറയുന്നു. “ഞാൻ അവരെ പറ്റിക്കുകയാണ് എന്ന് അവർ കരുതി, അവരെ ബോധ്യപ്പെടുത്താൻ കുറച്ച് തെളിവ് വേണ്ടി വന്നു,” അദ്ദേഹം GWR-നോട് പറഞ്ഞു.
തന്റെ റെക്കോർഡ് ഗിന്നസ് വേൾഡ് റെക്കോർഡ്സ് 2024 പുസ്തകത്തിന്റെ ഭാഗമാകുമെന്നതിൽ അവൻ അഭിമാനിക്കുന്നു “ആഹ്ലാദിക്കുന്നു”.
