തൊണ്ണൂറുകളിൽ ‘ഖയാമത് സെ ഖയാമത് തക്’, ‘ഡർ’, ‘യെസ് ബോസ്’, ‘ഇഷ്ക്’ തുടങ്ങിയ ചിത്രങ്ങളിലൂടെ ബോളിവുഡിന്റെ പ്രിയനായികയായി മാറിയ ചിരിയുടെ സൗന്ദര്യമാണ് ജൂഹി ചാവ്ല. കരിയറിന്റെ കൊടുമുടിയിൽ നിൽക്കുമ്പോഴായിരുന്നു ജൂഹി, ബിസിനസ്സ് സാമ്രാട്ട് ജയ് മേത്തയെ വിവാഹം കഴിക്കുന്നത്. എന്നാൽ ആഡംബരങ്ങളോ മാധ്യമ ആഘോഷങ്ങളോ ഇല്ലാതെ, അതീവ രഹസ്യമായിട്ടായിരുന്നു ആ വിവാഹം.
വർഷത്തിലേറെയായി ആ ദാമ്പത്യം ഭദ്രമായി മുന്നോട്ട് പോകുമ്പോഴും, എന്തിനായിരുന്നു അങ്ങനെയൊരു രഹസ്യ വിവാഹം എന്ന് ജൂഹി തന്നെ പല അഭിമുഖങ്ങളിലും വെളിപ്പെടുത്തിയിട്ടുണ്ട്. അതിന് പ്രധാനമായും രണ്ട് കാരണങ്ങളാണുണ്ടായിരുന്നത്: ഒന്ന് കരിയറിനെക്കുറിച്ചുള്ള ഭയം, മറ്റൊന്ന് ജീവിതത്തെ പിടിച്ചുലച്ച ഒരു ദുരന്തം.
കരിയർ നഷ്ടപ്പെടുമോ എന്ന ഭയം
തൊണ്ണൂറുകളിൽ നായികമാർ വിവാഹിതരാകുക എന്നാൽ, അത് അവരുടെ കരിയറിന്റെ അവസാനമായാണ് കണക്കാക്കിയിരുന്നത്. ഈ ഭയം തനിക്കുണ്ടായിരുന്നുവെന്ന് ജൂഹി ഒരു അഭിമുഖത്തിൽ സമ്മതിച്ചിട്ടുണ്ട്. “ഞാൻ സിനിമയിൽ ഒരു സ്ഥാനം ഉറപ്പിച്ച്, മികച്ച വേഷങ്ങൾ ചെയ്തു തുടങ്ങുന്നതേ ഉണ്ടായിരുന്നുള്ളൂ. ആ സമയത്താണ് ജയ് എന്റെ ജീവിതത്തിലേക്ക് വരുന്നത്. കഷ്ടപ്പെട്ട് നേടിയെടുത്ത കരിയർ, വിവാഹത്തിന്റെ പേരിൽ നഷ്ടപ്പെടുത്താൻ ഞാൻ ഭയന്നിരുന്നു,” ജൂഹി പറയുന്നു.
അതുകൊണ്ടുതന്നെ, വിവാഹം രഹസ്യമായി വെച്ച് അഭിനയം തുടരാം എന്നതായിരുന്നു ഇരുവരും ചേന്നെടുത്ത തീരുമാനം.
ജീവിതം തകർത്ത ആ വർഷം
വിവാഹം രഹസ്യമാക്കാൻ ജൂഹിയെ പ്രേരിപ്പിച്ച മറ്റൊരു കാരണം ആ വർഷം തന്നെ സംഭവിച്ച ഒരു വലിയ വ്യക്തിപരമായ നഷ്ടമായിരുന്നു. “ആ വർഷം എനിക്ക് എന്റെ അമ്മയെ നഷ്ടപ്പെട്ടു. അത് വലിയൊരു ആഘാതമായിരുന്നു. എനിക്ക് പ്രിയപ്പെട്ടതെല്ലാം നഷ്ടപ്പെടുകയാണെന്ന് എനിക്ക് തോന്നിത്തുടങ്ങി. എന്റെ ജോലിയും, ഇപ്പോൾ അമ്മയും… ആകെ തകർന്ന ഒരു സമയമായിരുന്നു അത്,” ജൂഹി ഓർക്കുന്നു. ഈ പ്രതിസന്ധി ഘട്ടത്തിൽ ജയ് മേത്ത നൽകിയ പിന്തുണയാണ് തങ്ങളെ കൂടുതൽ അടുപ്പിച്ചതെന്നും അവർ പറഞ്ഞിട്ടുണ്ട്.
ജയ് മേത്തയുടെ ദുരന്ത ഭൂതകാലം
കോടീശ്വരനായ ജയ് മേത്തയെ വിവാഹം കഴിക്കുന്നതിന് മുൻപ് ജൂഹിക്ക് അദ്ദേഹത്തിന്റെ ജീവിത പശ്ചാത്തലം അറിയാമായിരുന്നു. ജൂഹിയുടെ ജീവിതത്തിലെ രണ്ടാമത്തെ പുരുഷനായിരുന്നില്ല ജയ് മേത്ത. പ്രശസ്ത വ്യവസായി യഷ് ബിർളയുടെ സഹോദരിയായ സുജാത ബിർളയായിരുന്നു ജയ് മേത്തയുടെ ആദ്യ ഭാര്യ. എന്നാൽ 1990-ൽ ബാംഗ്ലൂരിൽ വെച്ചുണ്ടായ ഇന്ത്യൻ എയർലൈൻസ് ഫ്ലൈറ്റ് 605 വിമാനാപകടത്തിൽ സുജാത ദാരുണമായി മരണപ്പെട്ടു.
ജീവിതത്തിലെ ആ വലിയ ദുരന്തത്തിൽ തകർന്നിരുന്ന ജയ് മേത്തയ്ക്ക്, ഒരു സുഹൃത്ത് എന്ന നിലയിൽ ജൂഹി നൽകിയ മാനസിക പിന്തുണയാണ് പിന്നീട് പ്രണയമായി മാറിയത്. അങ്ങനെ 1995-ൽ ഇരുവരും വിവാഹിതരായി.
ഒരു ട്രക്ക് നിറയെ റോസാപ്പൂക്കൾ
വിവാഹത്തിന് മുൻപ് ജയ് തന്നെ ആകർഷിക്കാൻ ശ്രമിച്ചതിനെക്കുറിച്ച് ജൂഹി ‘കോഫി വിത്ത് കരൺ’ ഷോയിൽ തമാശരൂപേണ വിവരിച്ചിട്ടുണ്ട്. “വിവാഹത്തിന് മുൻപ്, ജയ് എനിക്ക് എല്ലാ ദിവസവും കത്തുകൾ എഴുതുമായിരുന്നു. ഒരിക്കൽ എന്റെ ജന്മദിനത്തിന് ഒരു ട്രക്ക് നിറയെ ചുവന്ന റോസാപ്പൂക്കളാണ് അദ്ദേഹം എനിക്ക് സമ്മാനമായി അയച്ചത്. പക്ഷെ അദ്ദേഹത്തോട് ‘യെസ്’ പറയാൻ ഞാൻ ഒരു വർഷമെടുത്തു,” ജൂഹി പറയുന്നു. എന്നാൽ വിവാഹശേഷം ആ കത്തുകളെല്ലാം നിന്നെന്നും ജൂഹി ചിരിച്ചുകൊണ്ട് കൂട്ടിച്ചേർത്തു.
17,555 കോടിയുടെ അധിപൻ
ജയ് മേത്തയുടെ ബിസിനസ്സ് സാമ്രാജ്യം വളരെ വലുതാണ്. ‘ദി മേത്ത ഗ്രൂപ്പ്’ എന്ന മൾട്ടിനാഷണൽ കമ്പനിയുടെ ഉടമയാണ് അദ്ദേഹം. 2024-ലെ കണക്കനുസരിച്ച് ഏകദേശം 2.1 ബില്യൺ ഡോളർ (ഏകദേശം 17,555 കോടി ഇന്ത്യൻ രൂപ) ആസ്തിയുള്ള സാമ്രാജ്യമാണിത്. സിമന്റ്, എഞ്ചിനീയറിംഗ് തുടങ്ങി വിവിധ മേഖലകളിൽ ഇവർക്ക് ബിസിനസ്സുണ്ട്.
എല്ലാറ്റിനുമുപരി, തന്റെ പ്രിയ സുഹൃത്തും സഹതാരവുമായ ഷാരൂഖ് ഖാനൊപ്പം, ഐപിഎൽ ടീമായ കൊൽക്കത്ത നൈറ്റ് റൈഡേഴ്സിന്റെ (KKR) സഹ ഉടമകൾ കൂടിയാണ് ജൂഹി ചാവ്ലയും ജയ് മേത്തയും.
രഹസ്യമായി ആരംഭിച്ച ആ ദാമ്പത്യം വർഷങ്ങളോളം അവർ രഹസ്യമായിത്തന്നെ സൂക്ഷിച്ചു. 2001-ൽ തങ്ങളുടെ ആദ്യത്തെ കുഞ്ഞ് ജാൻവി ജനിക്കാൻ പോകുന്ന സമയത്താണ് ഇരുവരും തങ്ങളുടെ വിവാഹവാർത്ത ഔദ്യോഗികമായി ലോകത്തെ അറിയിക്കുന്നത്. ജാൻവിയെ കൂടാതെ അർജുൻ എന്നൊരു മകനും ഇവർക്കുണ്ട്.
