പ്രമുഖ നടി ശ്രീയ രമേശിന്റെ സാരിക്ക് ഷൂട്ടിങ്ങിനിടെ തീ പിടിച്ചു ; ഒരു തെലുങ്ക് സീരിയലിന്റെ ഷൂട്ടിങിടെയാണ് ഇത്തരത്തിൽ സാരിക്ക് തീ പിടിച്ചത്. നടി പരിഭ്രാന്തയായ നിലവിളിക്കുന്നതും കൂടെയുള്ള മറ്റൊരു നടി ഒരു കാർപെറ്റ് ഉപയോഗിച്ച് തീ അണക്കാൻ ശ്രമിക്കുന്നതും വിഡിയോയിൽ കാണാം .
“ഒരു നടിയുടെ വളരെ അപകടകരമായ ജീവിതം അതിന്റെ പിന്നാമ്പുറ കാഴ്ചകൾ” എന്ന ടാഗ് ലൈനോടെ ശ്രീയ രമേശ് തന്നെയാണ് വീഡിയോ തന്റെ ഇൻസ്റ്റാഗ്രാം അക്കൗണ്ടിൽ പോസ്റ്റ് ചെയ്യുന്നത്. സാരിത്തുമ്പിൽ തീപിടിക്കുമ്പോൾ നടി പരിഭ്രാന്തയായി മറ്റുള്ളവരുടെ സഹായത്തിനായി കാത്തു നിൽക്കുന്നതും കൂടെയുള്ള സഹ പ്രവർത്തകർ പരിഭ്രാന്തയായ നിൽക്കുന്നതും കാണാം.
എന്നാൽ അതിൽ ഒരു സ്ത്രീ പെട്ടന്ന് സമയോചിതമായി ഇടപെട്ടത് കൊണ്ട് വലിയ അപകടം ഒഴിവായി. അവർ ഒരു കാർപെറ്റ് കൊണ്ട് വന്നു സാരിത്തുമ്പിൽ ഇട്ടു. ആ സമയം കൊണ്ട് ശ്രീയ രമേശ് തന്റെ സാരി അഴിച്ചു മാറ്റി രക്ഷപെടുന്നതും വിഡിയോയിൽ വ്യക്തമാണ്. തന്റെ വസ്ത്രത്തിൽ തീപിടിച്ചത് കണ്ടപ്പോൾ നടി പരിഭ്രാന്തയായി നിലവിളിക്കുകയും ചെയ്യുന്നുണ്ട് വിഡിയോയിൽ. വീഡിയോ വൈറൽ ആണ്.
നിരവധി മലയാളം ചിത്രങ്ങളിൽ പ്രധാന വേഷങ്ങളിൽ എത്തിയിട്ടുള്ള നടിയാണ് ശ്രീയ രമേശ് ലൂസിഫറിലും ഒരു പ്രധാന വേഷം ചെയ്തിരുന്നു. ഇപ്പോൾ തമിഴിലും തെലുങ്കിലും സജീവമാണ് താരം.
View this post on Instagram
