പ്രഭാസിന്റെ അവസാന മൂന്ന് ചിത്രങ്ങളും ബോക്സ് ഓഫീസിൽ വേണ്ട പ്രകടനം നടത്താതെ തകർന്നടിയുകയായിരുന്നു , പക്ഷേ അദ്ദേഹത്തിന്റെ താരമൂല്യം മാറ്റമില്ലാതെ തുടരുന്നു, പ്രഭാസിന്റെ അടുത്ത ചിത്രമായ സലാറിന്റെ റിലീസിനായി ആളുകൾ ആകാംക്ഷയോടെ കാത്തിരിക്കുകയാണ്. ചിത്രത്തിന്റെ പ്രീ റിലീസ് കണക്കുകൾ ആണ് ഇപ്പോൾ ഏവരെയും ഞെട്ടിക്കുന്നത്.
റിലീസിന് മുമ്പ് തന്നെ സലാർ 800 കോടി നേടിയെന്നാണ് റിപ്പോർട്ടുകൾ. സലാറിന്റെ ടീസറിന് ഇതിനകം കോടിക്കണക്കിന് വ്യൂസ് ലഭിച്ചു, ബാഹുബലി, ദംഗൽ, കെജിഎഫ് 2, പത്താൻ തുടങ്ങിയ ചിത്രങ്ങളുടെ ബോക്സ് ഓഫീസ് റെക്കോർഡുകൾ സലാർ മറികടക്കുമെന്ന് പ്രതീക്ഷിക്കുന്നു.
43 കാരനായ പ്രഭാസിന്റെ മുൻ ചിത്രങ്ങൾ ബോക്സ് ഓഫീസിൽ വേണ്ട പ്രകടനം കാഴ്ച വച്ചില്ല എങ്കിലും ഇവയെല്ലാം ആദ്യ ദിനം തന്നെ 100 കോടി കടന്നിരുന്നു എന്നതിൽ നിന്ന് തന്നെ അദ്ദേഹത്തിന്റെ താരമൂല്യം കണക്കാക്കാം. സലാറിനെ ചുറ്റിപ്പറ്റിയുള്ള ഹൈപ്പ് അഭൂതപൂർവമാണ്, അതിന്റെ ടീസർ 11 കോടിയിലധികം കാഴ്ചക്കാർ കണ്ടു, ഇത് സലാർ നിർമ്മാതാക്കളുടെ പ്രതീക്ഷ ഉയർത്തി.
ഡിജിറ്റൽ, തിയേറ്റർ, സാറ്റലൈറ്റ്, മ്യൂസിക് അവകാശങ്ങൾ വിറ്റ് റിലീസ് ചെയ്യുന്നതിന് മുമ്പ് തന്നെ സലാർ നിർമ്മാതാക്കൾ 800 കോടി രൂപ നേടിയതായി ചില റിപ്പോർട്ടുകൾ അവകാശപ്പെടുന്നു. 80 കോടിയോളം രൂപയാണ് ഇതിന്റെ ഓവർസീസ് റൈറ്റ്സിന് ലഭിച്ചതെന്നാണ് സൂചന. അപ്പോൾ ഇന്ത്യയിലുടനീളമുള്ള റിലീസ് അവകാശം വിറ്റ് കുറഞ്ഞത് 500 കോടി രൂപ സലാർ നിർമ്മാതാക്കൾ നേടുമെന്ന് ആണ് പ്രതീക്ഷിക്കുന്നത് . ആന്ധ്രാപ്രദേശ്, തെലങ്കാന എന്നിവിടങ്ങളിൽ നിന്ന് ചിത്രം 200 കോടിയോളം നേടിയെന്നാണ് റിപ്പോർട്ട്.
തമിഴിനും കന്നഡയ്ക്കും പുറമെ ഹിന്ദിയിലും പുറത്തിറങ്ങുന്ന ഒരു പാൻ-ഇന്ത്യ ചിത്രമാണ് സലാർ. KGF 2 വിന്റെ വൻ വിജയമാണ് സലാർ നിർമ്മാതാക്കളെ അവരുടെ ചിത്രത്തിന്റെ വിലയും ഉയർത്താൻ പ്രേരിപ്പിച്ചത്. ട്രാക്ക്ടോളിവുഡ് ഡോട്ട് കോമിൽ പ്രസിദ്ധീകരിച്ച റിപ്പോർട്ട് അനുസരിച്ച്, സലാറിന്റെ ഡിജിറ്റൽ അവകാശം 200 കോടി രൂപയ്ക്ക് വിറ്റു, എന്നാൽ ഈ കണക്കുകളെല്ലാം ബോക്സ് ഓഫീസിലെ ചിത്രത്തിന്റെ പ്രകടനത്തെ ആശ്രയിച്ചിരിക്കും.
ഷാരൂഖ് ഖാന്റെ വരാനിരിക്കുന്ന ആക്ഷൻ-ത്രില്ലർ ജവാൻ റിലീസ് ചെയ്ത് 21 ദിവസങ്ങൾക്ക് ശേഷം, പ്രഭാസ് നായകനായ സലാർ 2023 സെപ്റ്റംബർ 28-ന് റിലീസ് ചെയ്യും. വിവേക് അഗ്നിഹോത്രിയുടെ ‘ദി വാക്സിൻ വാർ’ എന്ന ചിത്രവുമായി സലാർ ബോക്സ് ഓഫീസിൽ ഏറ്റുമുട്ടും.
