തന്റെ ആരാധകർ ഹെൽമെറ്റ് ധരിക്കാത്തതിന്റെ പേരിൽ അപ്സെറ്റായ നടി രശ്മിക മന്ദാനയുടെ വീഡിയോ സോഷ്യൽ മീഡിയ പ്ലാറ്റ്ഫോമുകളിൽ വൈറലാകുന്നു. നടിയെ ഒരു നോക്ക് കാണാനായി രണ്ട് ആരാധകർ ബൈക്കിൽ കാറിനെ പിന്തുടരുന്നത് കാണിക്കുന്ന വീഡിയോയിൽ, നടി ഹെൽമെറ്റ് യാത്ര ചെയ്യാൻ ആരാധകനെ നിർബന്ധിക്കുന്നത് കാണാം. വീഡിയോ കണ്ട നിരവധി ഉപയോക്താക്കൾ ആരാധകരെയും അവരുടെ ക്ഷേമത്തെയും പരിപാലിക്കുന്ന നടിയെ അഭിനന്ദിച്ചു.
രശ്മിക ഇപ്പോൾ തന്റെ കരിയറിലെ ഏറ്റവും വലിയ ചിത്രമായ “വാരിസു” എന്ന ചിത്രത്തിന്റെ പ്രമോഷന്റെ തിരക്കിലാണ്, അതിൽ അവർ ദളപതി വിജയ്ക്കൊപ്പം ജോടിയാകുന്നു. പൊങ്കൽ അവധിക്ക് ചിത്രം തിയറ്ററുകളിലെത്തും, അതിന്റെ പ്രമോഷനുകളും തകൃതിയായി ആരംഭിച്ചിരിക്കുകയാണ്. അടുത്തിടെ, ചിത്രത്തിന്റെ ഓഡിയോ ലോഞ്ച് നെഹ്റു ഇൻഡോർ സ്റ്റേഡിയത്തിൽ വെച്ച് ദളപതി വിജയ്, രശ്മിക, പ്രോജക്റ്റുമായി ബന്ധപ്പെട്ട മറ്റ് സെലിബ്രിറ്റികളുടെ സാന്നിധ്യത്തിൽ നടന്നു.
ഇപ്പോഴിതാ, അവൾ സഞ്ചരിച്ചിരുന്ന കാറിനെ രണ്ട് യുവാക്കൾ പിന്തുടരുന്ന വീഡിയോ ഇന്റർനെറ്റ് പ്ലാറ്റ്ഫോമുകളിൽ പ്രത്യക്ഷപ്പെട്ടു. നടിയെ കാണുവാനും അഭിവാദ്യം ചെയ്യാനും അവർ അപകടകരമായ രീതിയിൽ വാഹനമോടിക്കുന്നത് കാണാമായിരുന്നു. ഇവരെ കണ്ടയുടൻ ഹെൽമറ്റ് ധരിക്കാൻ ആവശ്യപ്പെട്ട രശ്മിക, ഉടൻ തന്നെ അത് ചെയ്യണമെന്നും നിർബന്ധപൂർവ്വം പറഞ്ഞു.
“ഹെൽമറ്റ് പൊട്ടുകൊങ്ക . . ഇപ്പോ” എന്ന് നടി പറയുന്നത് കേട്ട വീഡിയോയിൽ ആരാധകർ “ബൈ കാ” എന്ന് മറുപടി നൽകി. ഇപ്പോൾ തന്നെ ഹെൽമെറ്റ് ധരിക്കാനാണ് നടി ആരാധകരായ യുവാക്കളോട് ആവശ്യപ്പെടുന്നത്.
I Still Wounder , How one can hate a Human being Like Our @iamRashmika 🥺🤌pic.twitter.com/i0kaeVB3Af
— × Roвιɴ Roвerт × 🕊️ (@PeaceBrwVJ) December 25, 2022
സോഷ്യൽ മീഡിയ പ്ലാറ്റ്ഫോമുകളിൽ വീഡിയോ വൈറലായിക്കൊണ്ടിരിക്കുകയാണ്, ആരാധകരുടെ സുരക്ഷയിൽ ശ്രദ്ധ ചെലുത്തിയ നടിയെ അഭിനന്ദിച്ച് നിരവധി ആരാധകർ.
” ഞാൻ അത്ഭുതപെടുകയാണ് ഇത്തരത്തിലുള്ള ഒരു മനുഷ്യനെ എങ്ങനെ വെറുക്കാൻ കഴിയും എന്ന് കുറിച്ചുകൊണ്ടാണ് ആരാധകൻ വീഡിയോ പങ്കിട്ടിരിക്കുന്നത്. വീഡിയോ റീട്വീറ്റ് ചെയ്തുകൊണ്ട് നിരവധി പേരാണ് താരത്തിന്റെ ആരാധകരോടുള്ള സ്നേഹത്തിനും കരുതലിനും അഭിനന്ദനം അർപ്പിക്കുന്നത്.
ലോകം നിങ്ങൾക്കെതിരായാൽ ഞാൻ ഈ ലോകത്തിനെതിരാകും എന്നാണ് മറ്റൊരാൾ കുറിച്ചിരിക്കുന്നത്.
അതെ സമയം വാരിസിന്റെ ഓഡിയോ ലോഞ്ച് ചടങ്ങിൽ, കുട്ടിക്കാലം മുതൽ നടൻ വിജയുടെ കടുത്ത ആരാധികയാണെന്ന് താനെന്നു രശ്മിക വെളിപ്പെടുത്തിയിരുന്നു. കുട്ടിക്കാലത്ത് അച്ഛനൊപ്പം ഗില്ലി ഫസ്റ്റ് ഡേ ഫിസ്റ്റ് ഷോ കണ്ടിരുന്നുവെന്നും അന്നുമുതൽ അദ്ദേഹത്തിന്റെ ആരാധികയായി മാറിയെന്നും നടി പറഞ്ഞു.
അടുത്തിടെ പുറത്തിറങ്ങിയ തെലുങ്ക് ചിത്രമായ “പുഷ്പ” യുടെ വമ്പൻ വിജയത്തിൽ ഇപ്പോൾ ഏറ്റവും താരമൂല്യമുള്ള നടിമാരിൽ മുൻപിലാണ്, “സുൽത്താൻ” എന്ന ചിത്രത്തിലെ കാർത്തിയുടെ ജോഡിയായി തമിഴ് പ്രേക്ഷകർക്കിടയിൽ അറിയപ്പെടുന്ന രശ്മിക . “ഗീത ഗോവിന്തം” എന്ന ചിത്രത്തിലെ “ഇങ്കേം ഇങ്കേം” എന്ന തെലുങ്ക് ഗാനം ചാർട്ട് ബസ്റ്ററായി മാറിയതിന് ശേഷം മുഖ്യധാരാ പ്രേക്ഷകർക്കിടയിൽ വളരെ പെട്ടന്ന് പ്രശസ്തിയിലേക്ക് ഉയർന്നു. വളരെ കുറച്ച് സിനിമകളുടെ ഭാഗമാണെങ്കിലും, സോഷ്യൽ മീഡിയയിൽ നടിക്കായി ഉയർന്നുവന്ന ഫാൻസ് പേജുകളുടെ എണ്ണം ആരെയും അമ്പരപ്പിക്കുന്നതാണ്. “വാരിസു”, മിഷൻ മജ്നു”, “അനിമൽ”, “പുഷ്പ 2” എന്നിവയാണ് അവളുടെ വരാനിരിക്കുന്ന ചില പ്രോജക്റ്റുകൾ.
