സോഷ്യൽ മീഡിയയിലൂടെ താരങ്ങൾ ആകുന്ന നിരവധി ആളുകളാണ് ഇന്നുള്ളത്. അത്തരത്തിൽ ഫോട്ടോഷൂട്ടുകളിലൂടെയും ഇൻസ്റ്റഗ്രാം റീലുകളിലൂടെയും ശ്രദ്ധ നേടിയിട്ടുള്ള നിരവധി താരങ്ങളുണ്ട്. അത്തരത്തിൽ ഉള്ള ഒരു താരമാണ് അഷിക അശോകൻ. നിഹാരം പെയ്ത രാവിൽ എന്ന മ്യൂസിക് വീഡിയോയിലൂടെ ആയിരുന്നു താരം ശ്രദ്ധ നേടിയത് .
മിസ്സിംഗ് ഗേൾ എന്ന സിനിമയിൽ പ്രധാന വേഷത്തിലെത്തിയ അഷിക ഒരു ചാനലിന് നൽകിയ അഭിമുഖത്തിലാണ് സിനിമ മേഖലയിലെ കാസ്റ്റിംഗ് കൗച്ഛ് നെ കുറിച്ച് തുറന്നു പറയുന്നത് അഭിമുഖത്തിൽ താരം പറഞ്ഞ ചില കാര്യങ്ങളാണ് ഇപ്പോൾ ശ്രദ്ധ നേടിക്കൊണ്ടിരിക്കുന്നത്. ഈ സിനിമയും മ്യൂസിക്കൽ ആൽബവുമെല്ലാം അഷികയ്ക്കു മികച്ച പ്രേക്ഷക പ്രീതിയാണ് നേടി കൊടുത്തത്.
മിസ്സിംഗ് ഗേൾ എന്ന സിനിമയ്ക്ക് ശേഷം തമിഴിൽ ഒരു ചിത്രത്തിൽ തനിക്ക് അവസരം ലഭിച്ചിരുന്നു എന്നും എന്നാൽ ഈ സമയത്ത് ചിത്രീകരണത്തിനായി പോകുന്ന സമയത്താണ് തന്നെ സിനിമയിലേക്ക് വിളിച്ച വ്യക്തിയിൽ നിന്നും വളരെ മോശകരമായ ഒരു അനുഭവം തനിക്ക് ഉണ്ടായത് എന്നുമാണ് താരം പറയുന്നത്. തമിഴ് സിനിമയിലേക്ക് വിളിച്ച വ്യക്തി തന്നോട് പറഞ്ഞത് മോശമായ രീതിയിലായിരുന്നു. സമാന്തയെയും നയൻതാരയെയും ഒക്കെ അയാളാണ് സിനിമയിൽ കൊണ്ടുവന്നത് എന്ന് വരെ അയാൾ പറഞ്ഞു.
സോഷ്യൽ മീഡിയയിൽ ആക്ടീവ് ആയിരിക്കുന്ന ,സിനിമയിൽ അഭിനയിക്കാൻ താല്പര്യമുള്ള എല്ലാ പെൺകുട്ടികളെയും താൻ കോൺടാക്ട് ചെയ്യാറുണ്ട് എന്നും അയാൾ പറയുന്നുണ്ട്. നടി പ്രിയ ആനന്ദിനെ സിനിമയിലേക്ക് കൊണ്ടുവന്നത് ഇയാളാണ് എന്നാണ് അവകാശപ്പെടുന്നത്. അവരുടെ ഓഡിഷൻ വീഡിയോ തനിക്ക് കാണിച്ചുതരികയും ചെയ്തിരുന്നു. അങ്ങനെ നമ്മളെ വിശ്വസിപ്പിക്കുവാൻ പല കാര്യങ്ങളും ഇയാൾ ചെയ്യുന്നുണ്ട്. ഇൻഡസ്ട്രിയിൽ പല ആളുകളും ഇയാൾക്ക് കീഴിലാണ് എന്ന രീതിയിലാണ് ഇയാൾ സംസാരിക്കുന്നത്.
ലോകേഷ് കനകരാജിനെ വരെ പരിചയമുണ്ട് എന്ന് പറഞ്ഞതോടെ തന്റെ സ്വപ്നം സാക്ഷാത്കരിക്കാൻ പോവുകയാണ് എന്ന് താനും വിശ്വസിക്കുകയായിരുന്നു ചെയ്തത്. പൊള്ളാച്ചിയിൽ വച്ചുള്ള ഷൂട്ടിങ്ങിന് അയാളും തനിക്കൊപ്പം എത്തിയിരുന്നു. ആ സമയത്ത് നായകന്റെ റൂമിലായിരുന്നു അയാൾ താമസിച്ചിരുന്നത്. അയാൾ എന്നും രാത്രിയിൽ ഒരു മണി -രണ്ടു മണി സമയമാകുമ്പോൾ തന്റെ വാതിലിൽ വന്ന് മുട്ടുന്നത് പതിവായിരുന്നു.
ആ സമയത്ത് തനിക്ക് വല്ലാത്ത ബുദ്ധിമുട്ടായിരുന്നു അത് നൽകിയിരുന്നത്. ഷൂട്ടിങ്ങിനു വേണ്ടിരിക്കുന്ന സമയത്താണ് ഒരിക്കൽ മോശമായി സംസാരിച്ചത്. താനൊന്ന് കണ്ണടയ്ക്കുകയാണെങ്കിൽ 25 ലക്ഷത്തിന്റെ കാറാണ് തനിക്ക് ലഭിക്കുന്നത് എന്നും രണ്ടു മണിക്കൂർ ഒന്ന് അഡ്ജസ്റ്റ് ചെയ്താൽ മതി എന്നുമാണ് അയാൾ പറഞ്ഞത്.പിന്നീട് അയാൾ തന്നോട് സംസാരിക്കാൻ ശ്രമിച്ചപ്പോൾ സംസാരിക്കാൻ സമ്മതിച്ചിരുന്നില്ല എന്നും ഒരിക്കൽ തന്റെ കയ്യിൽ കയറി പിടിച്ചപ്പോൾ താൻ അയാളെ അടിക്കുക വരെ ഉണ്ടായി എന്നുമാണ് താരം ഓർമ്മിക്കുന്നത്..
