ഭാര്യയെയും നാല് മക്കളെയും തിരികെ തരണം എന്ന്പാകിസ്താനി, പബ്‌ജി കാമുകനെ വിട്ടു പോകില്ലെന്ന് ഭാര്യ ഇന്ത്യയിൽ താമസിക്കണം
ഗെയിമിംഗ് ആപ്ലിക്കേഷനായ PUBG മൊബൈലിലൂടെ പരിചയപ്പെട്ട ഇന്ത്യക്കാരനോടൊപ്പം ജീവിക്കാനായി അനധികൃതമായി ഇന്ത്യയിൽ പ്രവേശിച്ചതിന് അറസ്റ്റിലായ പാകിസ്ഥാൻ യുവതി സീമ ഹൈദർ ഇന്ന് രാവിലെ ജാമ്യത്തിൽ പുറത്തിറങ്ങി. ആജ് തക്കിന് നൽകിയ അഭിമുഖത്തിലാണ് സീമ തന്നെ ഇന്ത്യയിൽ തുടരാൻ അനുവദിക്കണമെന്ന് മുഖ്യമന്ത്രി യോഗി ആദിത്യനാഥിനോട് ആവശ്യപ്പെട്ടത്.
“ദയവായി എന്നെ സച്ചിനൊപ്പം ഇന്ത്യയിൽ തന്നെ തുടരാൻ അനുവദിക്കൂ. നിങ്ങൾ എന്നെ പാകിസ്ഥാനിലേക്ക് തിരിച്ചയച്ചാൽ അവർ എന്നെ കല്ലെറിഞ്ഞ് കൊല്ലും. പാകിസ്ഥാനിലേക്ക് മടങ്ങുന്നതിനേക്കാൾ ഇവിടെ മരിക്കുന്നതാണ് നല്ലത്,” സീമ യോഗി ആദിത്യനാഥിനോട് അഭ്യർത്ഥിച്ചു.
അവർ വിവാഹത്തിനായി സമീപിച്ച അഭിഭാഷകൻ ഇവരുടെ അനധികൃത യാത്രയെക്കുറിച്ച് അധികൃതരെ അറിയിച്ചതിനെത്തുടർന്ന് ജൂലൈ 4 ന് ഹരിയാനയിലെ ബല്ലഭ്ഗഡിൽ വെച്ച് സീമയെയും പങ്കാളി സച്ചിനെയും അറസ്റ്റ് ചെയ്തു.
സച്ചിന്റെ പിതാവും അറസ്റ്റിലായി. മൂന്ന് പേരെയും പിന്നീട് 14 ദിവസത്തെ ജുഡീഷ്യൽ കസ്റ്റഡിയിൽ വിട്ടതിന് ശേഷം , ശനിയാഴ്ച ജാമ്യത്തിൽ വിട്ടയച്ചു.
സീമയെയും അവരുടെ മക്കളെയും പാകിസ്ഥാനിലേക്ക് തിരിച്ചയക്കണമെന്ന് ഇന്ത്യൻ സർക്കാരിനോട് അഭ്യർത്ഥിക്കുന്ന വീഡിയോ നേരത്തെ പുറത്തുവിട്ട ഭർത്താവ് ഗുലാം ഹൈദറിന്റെ അവകാശവാദങ്ങളും സീമ നിഷേധിച്ചു.
സീമ പറയുന്നത് ഇങ്ങനെ “വീഡിയോയിൽ എന്റെ ഭർത്താവ് ഗുലാം പറയുന്നതെല്ലാം കള്ളമാണ്, അവൻ എന്നെ തല്ലുകയും മുഖത്ത് മുളകുപൊടി എറിഞ്ഞ് പീഡിപ്പിക്കുകയും ചെയ്യുമായിരുന്നു.” കഴിഞ്ഞ നാല് വർഷമായി താൻ ഗുലാമിനൊപ്പം താമസിക്കുന്നില്ലെന്നും അവർ പറഞ്ഞു.
തന്റെ പുതിയ ഭർത്താവ് സച്ചിൻ തന്റെ നാല് മക്കളെയും ദത്തെടുത്തിട്ടുണ്ടെന്നും സച്ചിനൊപ്പം നിൽക്കാൻ താൻ ആഗ്രഹിക്കുന്നുവെന്നും അവർ ഉറപ്പിച്ചു പറഞ്ഞു.
ഇന്ത്യയിലേക്ക് വരാനുള്ള അവളുടെ തീരുമാനത്തെക്കുറിച്ചും കറാച്ചിയിൽ നിന്ന് ഗ്രേറ്റർ നോയിഡയിലേക്കുള്ള യാത്രയെക്കുറിച്ചും ചോദിച്ചപ്പോൾ, സച്ചിൻ തന്നെ ഹിന്ദി പഠിപ്പിച്ചുവെന്ന് സീമ സൂചിപ്പിച്ചു, അത് അവളുടെ ആത്മവിശ്വാസം വർദ്ധിപ്പിച്ചു. ഇവിടെ വരാൻ തീരുമാനിക്കുന്നതിന് മുമ്പ് ബോളിവുഡ് സിനിമകൾ കണ്ട് ഇന്ത്യയെക്കുറിച്ച് ഒരുപാട് കാര്യങ്ങൾ പഠിച്ചു എന്നും – സീമ പറഞ്ഞു.
സീമയും സച്ചിനും 2019 ൽ PUBG വഴി കണ്ടുമുട്ടി, കാലക്രമേണ കൂടുതൽ അടുത്തു. 2023 മാർച്ചിൽ, കോവിഡ് പാൻഡെമിന് ശേഷം അന്താരാഷ്ട്ര യാത്രാ നിയന്ത്രണങ്ങൾ നീക്കിയ ശേഷം, സീമയും സച്ചിനും അതാത് രാജ്യങ്ങളിൽ നിന്ന് നേപ്പാളിലേക്ക് പോയി, അവിടെ മൂന്ന് വർഷത്തെ പ്രണയത്തിനിടെ ആദ്യമായി അവർ നേരിട്ട് കണ്ടുമുട്ടി. അവർ ഏഴു ദിവസം ഒരുമിച്ച് ചെലവഴിച്ചു, അവിടെ വച്ചാണ് ഇരുവരും ഭാവിയിൽ വീണ്ടും കണ്ടുമുട്ടാനുള്ള പദ്ധതികൾ തയ്യാറാക്കിയത്.
പാക്കിസ്ഥാനിൽ നിന്ന് നേപ്പാളിലേക്കുള്ള സീമയുടെ യാത്രയ്ക്ക് ഒരു ട്രാവൽ ഏജന്റാണ് സൗകര്യമൊരുക്കിയതെന്നാണ് പോലീസ് പറയുന്നത്. തന്റെ നാല് കുട്ടികളോടൊപ്പം നേപ്പാളിലേക്ക് പറക്കുന്നതിന് മുമ്പ് അവൾ ദുബായിലേക്ക് വിമാനം കയറിയതായി ചില റിപ്പോർട്ടുകൾ സൂചിപ്പിക്കുന്നു. മെയ് മൂന്നാം വാരത്തിൽ നേപ്പാളിൽ നിന്ന് പൊഖാറ വഴിയുള്ള ബസ് വഴി സീമ ഇന്ത്യയിലേക്ക് പ്രവേശിച്ചു.
സച്ചിന്റെ സഹായത്തോടെയാണ് സീമ ഗ്രേറ്റർ നോയിഡയിൽ താമസം തുടങ്ങിയത്. അവൻ അവളെ അവന്റെ വീട്ടുകാർക്കും പരിചയപ്പെടുത്തി, അവർ വിവാഹം കഴിക്കാൻ തീരുമാനിച്ചു. എന്നാൽ, അവർ വിവാഹത്തിനായി സമീപിച്ച അഭിഭാഷകൻ പോലീസിൽ വിവരമറിയിച്ചതോടെ അവരുടെ പദ്ധതികൾ അട്ടിമറിക്കപ്പെട്ടു.
ग्रेटर नोएडा में पाकिस्तानी प्रेमिका सीमा हैदर के पति ने मोदी सरकार से लगाई गुहार#seemahaider #sachinmeena #GreaterNoida pic.twitter.com/YHjdIiOFBm
— Newstrack (@newstrackmedia) July 8, 2023
സച്ചിൻ സീമയോടൊപ്പം ജീവിക്കാനുള്ള ഉറച്ച തീരുമാനത്തിൽ ആണ്, സീമയുടെ മക്കൾ സച്ചിനെ “പപ്പാ” എന്നാണ് വിളിക്കുന്നത്. സച്ചിന്റെ മുഴുവൻ കുടുംബവും സീമയെ തങ്ങളുടെ മരുമകളായി സ്വീകരിച്ചിരിക്കുന്നു, അവളെ ഇന്ത്യയിൽ തന്നെ തുടരാൻ അനുവദിക്കണമെന്ന് അധികാരികളോട് അവർ അഭ്യർത്ഥിച്ചു.
