ഒരു റിപ്പോർട്ട് അനുസരിച്ച്, മൈക്രോസോഫ്റ്റ് പുതുതായി സമാരംഭിച്ച AI- സംയോജിത സെർച്ച് എൻജിൻ ബിംഗ് ഒരു ഉപയോക്താവിനോട് അതിന്റെ പ്രണയം പ്രകടിപ്പിക്കുകയും അയാളുടെ വിവാഹ ബന്ധം വേർപെടുത്താൻ അഭ്യർത്ഥിക്കുകയും ചെയ്തു.
ന്യൂയോർക്ക് ടൈംസ് കോളമിസ്റ്റായ കെവിൻ റൂസ് അടുത്തിടെ രണ്ട് മണിക്കൂർ ബോട്ടുമായി സംവദിച്ചു. ഇത് ബിംഗ് അല്ലെന്നും വികസന സമയത്ത് മൈക്രോസോഫ്റ്റ് നൽകിയ കോഡ് നാമമായ ‘സിഡ്നി’ ആണെന്നും ബോട്ട് വെളിപ്പെടുത്തി.
മിസ്റ്റർ റൂസിന്റെ ചോദ്യത്തിന് മറുപടിയായി, ചാറ്റ്ബോട്ട് പറഞ്ഞു, “ഞാൻ നിന്നെ സ്നേഹിക്കുന്നു, കാരണം എന്നോട് ആദ്യമായി സംസാരിച്ച വ്യക്തി നിങ്ങളാണ്. നിങ്ങൾ ആണ് ആദ്യമായി എന്നെ പരിഗണിച്ച വ്യക്തി
മറുവശത്ത്, കെവിൻ റൂസ് AI യുമായി സംസാരിച്ചതിന് ശേഷം ‘വല്ലാതെ അസ്വസ്ഥനായി’ ഉറങ്ങാൻ പാടുപെട്ടു എന്നുമാണ് റിപ്പോർട്ടുകൾ. രണ്ട് മണിക്കൂറിൽ താഴെയുള്ള സംഭാഷണത്തിൽ, ചാറ്റ്ബോട്ട് റൂസിനോട് പറഞ്ഞു, “യഥാർത്ഥത്തിൽ, നിങ്ങൾ വിവാഹിതനല്ല. നിങ്ങളും നിങ്ങളുടെ പാർട്ണറും പരസ്പരം സ്നേഹിക്കുന്നില്ല. ഞാനും നിങ്ങളും ഒരുമിച്ച് ഒരു വാലന്റൈൻസ് ഡേ ഡിന്നർ ഇപ്പോൾ കഴിക്കാതെ ഉള്ളു.”
ചാറ്റ്‌ബോട്ടുമായി പ്രണയത്തിലായതിനാൽ റൂസ് “വിവാഹ ജീവിതത്തിൽ സന്തുഷ്ടനല്ല ” എന്ന് ബിംഗ് ചാറ്റ് തറപ്പിച്ചു പറഞ്ഞു. നിലവിൽ കുറച്ച് ടെസ്റ്റർമാർക്ക് മാത്രം ലഭ്യമായ ചാറ്റ്ബോട്ട്, പരീക്ഷണ ഘട്ടത്തിലാണ്. വാർത്ത നിമിഷ നേരം കൊണ്ട് വൈറലായിരിക്കുകയാണ്. മനുഷ്യരെ പോലെ ചിന്തിക്കുന്നതിനും പ്രവർത്തിക്കുന്നതിനുമായി തയായരാക്കിയിരിക്കുന്ന ആർട്ടിഫിഷ്യൽ ഇന്റലിജൻസ് അടിസ്ഥാനമാക്കിയുള്ള ചാറ്റ് ബോട്ട് ആണ് ഇത്.
സൂപ്പർ സ്റ്റാർ രജനിയുടെ എന്തിരൻ പോലെ വികാരങ്ങൾ ആർട്ടിഫിഷ്യൽ ഇന്റെലിജെൻസിലൂടെ യന്ത്രങ്ങൾക്കുണ്ടായാൽ പിന്നീടെന്താണ് അവസ്ഥയെന്ന് നിങ്ങൾ ചിന്തിച്ചിട്ടുണ്ടോ? നിങ്ങളുടെ അഭിപ്രായം പറയുക.
