എനിക്ക് ഒരേ ഒരു ആൺ സുഹൃത്തേ ഉണ്ടായിരുന്നുള്ളു അത് എന്റെ.. എനിക്ക് ജീവിതത്തിൽ ഒരേ ഒരു ശത്രുവെ ഉണ്ടായിരുന്നുള്ളു .. അതെന്റെ അമ്മയാണ്. മീന പറഞ്ഞത്

വർഷങ്ങൾ എത്ര കടന്നുപോയാലും പ്രേക്ഷകരുടെ മനസ്സിൽ എന്നും മായാതെ നിൽക്കുന്ന ചില മുഖങ്ങളുണ്ട്. ബാലതാരമായി എത്തി ദക്ഷിണേന്ത്യൻ സിനിമയുടെ മുൻനിര നായികയായി ഉയർന്ന നടിയായ മീനയും അത്തരത്തിലൊരാളാണ്. അഞ്ച് പതിറ്റാണ്ടിലേറെയായി ക്യാമറയ്ക്ക് മുന്നിൽ തിളങ്ങുന്ന നടിയാണ് മീന

മലയാളത്തിൽ ശ്രദ്ധേയനായ ഗാനരചയിതാവ് വിനായക് ശശികുമാർ ആദ്യമായി തിരക്കഥയൊരുക്കുകയും പ്രശസ്ത സംവിധായകൻ ജീത്തു ജോസഫ് ഷോ റണ്ണറായി എത്തുകയും ചെയ്ത ‘സീക്രട്ട് സ്റ്റോറീസ്: റോസ്‌ലിൻ’. വെബ് സീരീസിൻറെ പ്രൊമോഷൻ വേളയിലാണ് മീന തന്റെ സ്വകാര്യ ജീവിതത്തെക്കുറിച്ചും നാല് പതിറ്റാണ്ട് നീണ്ട സിനിമാ യാത്രയെക്കുറിച്ചും മനസ്സുതുറന്നത്.

തന്റെ നിത്യഹരിത ഭംഗിയെക്കുറിച്ചും പോസിറ്റീവ് എനർജിയെക്കുറിച്ചും ചോദിച്ചപ്പോൾ, തന്റെ ഉള്ളിൽ ഇപ്പോളും ആ കുട്ടിയുണ്ട് ഉള്ളിലെ കുട്ടിക്കാലത്തെ എപ്പോഴും ജീവനോടെ നിലനിർത്താൻ ശ്രമിക്കുന്നതാണ് തന്റെ രഹസ്യമെന്നാണ് മീന വെളിപ്പെടുത്തിയത്.

“രജിനികാന്തിനൊപ്പം അഭിനയിച്ച ‘അൻപുള്ള രജിനികാന്ത്’ ആണ് സിനിമാ ജീവിതത്തിൽ എന്റെ ആദ്യത്തെ വലിയ വിജയം. അതിനാണ് ആദ്യമായി പുരസ്കാരവും ലഭിക്കുന്നത്. സ്കൂളിൽ പഠിക്കുന്ന കാലത്താണ് ആ അവാർഡ് ലഭിക്കുന്നത്, അതിന്റെ സന്തോഷം സഹപാഠികളോടും അധ്യാപകരോടും പങ്കുവെച്ചത് ഇപ്പോഴും ഓർക്കുന്നു,” മീന പറഞ്ഞു.

ഭർത്താവ്, പ്രണയം, പിന്നെ ആ ‘ഒരേയൊരു ശത്രു’!

ജീവിതത്തിലെ ആദ്യ പ്രണയത്തെക്കുറിച്ചും ആൺസുഹൃത്തുക്കളെക്കുറിച്ചുമുള്ള ചോദ്യങ്ങൾക്ക് വളരെ മനോഹരമായ മറുപടിയാണ് താരം നൽകിയത്. തന്റെ കരിയറായിരുന്നു എപ്പോഴും തന്റെ ആദ്യ പ്രണയം. അതിനുപുറമെ, തനിക്ക് പെൺസുഹൃത്തുക്കളാണ് കൂടുതൽ ഉള്ളതെന്നും ജീവിതത്തിലെ ആദ്യത്തെ ഒരേയൊരു ആൺസുഹൃത്ത് അന്തരിച്ച ഭർത്താവ് വിദ്യാസാഗർ ആയിരുന്നെന്നും താരം ഓർത്തെടുത്തു.

എന്നാൽ ജീവിതത്തിലെ ആദ്യ ശത്രു ആരാണെന്ന ചോദ്യത്തിന് തികച്ചും അപ്രതീക്ഷിതമായി അമ്മയുടെ പേരാണ് മീന പങ്കുവെച്ചത്!

വിമർശനങ്ങളുടെ അമ്മ: എന്തൊക്കെ ചെയ്താലും നന്നായിട്ടുണ്ടെന്ന് അമ്മയുടെ നാവിൽ നിന്ന് കേൾക്കാൻ പ്രയാസമായിരുന്നു. എപ്പോഴും എന്തെങ്കിലും വീഴ്ചകൾ കണ്ടുപിടിക്കും.

യഥാർത്ഥ സ്നേഹം: അന്ന് പരാതിയായി തോന്നിയെങ്കിലും താനും ഒരു അമ്മയായപ്പോൾ മാത്രമാണ് ആ കരുതലിന്റെ മൂല്യം മനസ്സിലായതെന്ന് മീന കൂട്ടിച്ചേർത്തു.

മകൾ നൈനികയും ഇന്നത്തെ പഠന രീതികളും

വിജയ് നായകനായ ‘തേരി’ എന്ന തമിഴ് ചിത്രത്തിലൂടെ ബാലതാരമായി വന്ന് പ്രശസ്തി നേടിയ മകൾ നൈനികയെക്കുറിച്ചും മീന പങ്കുവെച്ചു. ഒൻപതാം ക്ലാസുകാരിയായ മകൾക്ക് ഇപ്പോൾ അഭിനയത്തേക്കാൾ ഉപരി പഠനത്തിലാണ് താല്പര്യം.

താൻ പഠിച്ചിരുന്ന കാലവും ഇന്നത്തെ കുട്ടികളുടെ ഡിജിറ്റൽ പഠന രീതികളും തമ്മിൽ വലിയ വ്യത്യാസമുണ്ടെന്ന് താരം ചൂണ്ടിക്കാട്ടുന്നു. അഭിനയത്തിലേക്ക് കടന്നാൽ ക്ലാസുകളും കൂട്ടുകാരെയും മിസ്സ് ചെയ്യേണ്ടി വരും. ബാലതാരമായി തിളങ്ങിയെങ്കിലും തന്റെ സ്വന്തം കുട്ടിക്കാലം വേണ്ടത്ര ആസ്വദിക്കാൻ കഴിഞ്ഞിട്ടില്ലെന്ന വിഷമം മീനയ്ക്കുണ്ട്. അതുകൊണ്ടുതന്നെ തന്റെ മകൾ എല്ലാവിധ സ്വാതന്ത്ര്യത്തോടും സന്തോഷത്തോടും കൂടി ആ പ്രായം ആസ്വദിക്കണമെന്നാണ് ആഗ്രഹം. വ്യക്തമായ കാഴ്ചപ്പാടും കോൺഫിഡൻസുമുള്ള മകളിൽ നിന്ന് പലപ്പോഴും താൻ പുതിയ കാര്യങ്ങൾ പഠിക്കാറുണ്ടെന്നും മീന അഭിമാനത്തോടെ പറഞ്ഞു.

‘ബേബി മീന’ എന്ന കുഞ്ഞു ലേബലിൽ നിന്ന് തുടങ്ങി പ്രേക്ഷകരുടെ പ്രിയപ്പെട്ട നായികയായി മാറിയ മീനയുടെ ഈ തുറന്നുപറച്ചിലുകൾ അവരുടെ വ്യക്തിജീവിതത്തെയും കാഴ്ചപ്പാടുകളെയും കൂടുതൽ അടുത്തറിയാൻ ആരാധകരെ സഹായിക്കുന്നതാണ്.